Karlskoga

Karlskoga

Localización
59°18′54″N 14°29′30″L / 59.315099, 14.491744
Estado	Suecia
Condado	Condado de Örebro
Municipios	Karlskoga (municipio)
Registration district in Sweden (en)	Karlskoga (en)
Capital de	Karlskoga (municipio)
Poboación
Poboación	27.360 (2020) (1.350,44 hab./km²)
Xeografía
Superficie	2.026 ha
Datos históricos
Precedido por	Möckelsbodar (en)
Identificador descritivo
Fuso horario	UTC+01:00, horario estándar UTC+02:00, horario de verán
Outro
Irmandado con	sen valor
Sitio web	karlskoga.se

Karlskoga é unha cidade sueca no condado de Örebro capital do municipio de Karlskoga. No ano 2017 a súa poboación era de 27 553 habitantes.^[1]

Está situada na ribeira norte do lago Möckeln, e o pequeno asentamento foi inicialmente chamado Möckelns bodar. O nome Karlskoga deriva de Carlos (Karl) IX, significando skog bosque.

A parroquia de Karlskoga creouse en 1586 e pouco despois construíuse unha igrexa de madeira. No século XVII establecéronse catorce pequenas ferrerías e oito martinetes para o forxado de ferro. A meirande parte deles aínda estaban operativos na década de 1860, pero a produción dominante de ferro atopábase no de Bofors. En 1871, Bofors produciu 6 124 toneladas métricas de ferro, máis que calquera outra planta en Suecia. En 1882, a parroquia (socken) de Karlskoga tiña 11 184 habitantes.

A cidade de Karlskoga evolucionou ao redor de Bofors, que a finais do século XIX pasou de ser unha fábrica de ferro a fabricar canóns, e no século XX converteuse nunha industria de defensa máis diversificada. O propietario de Bofors máis famoso foi Alfred Nobel, que foi dono da compañía dende 1894 ata a súa morte en decembro de 1896. Nobel tivo un papel clave na remodelación da fábrica de ferro cara a un produtor moderno de canóns e unha industria química. Durante os veráns de 1894-1896 tamén viviu na casa señorial de Björkborn. Aínda que morreu na súa vila en San Remo, Italia e tiña unha casa en París, decidiuse que a súa residencia estaba en Björkborn, en Karlskoga. Debido a isto o seu famoso testamento, escrito en París no ano 1895, foi legalmente rexistrado en Karlskoga, o que finalmente fixo posible establecer os Premios Nobel.

En 1940 a cidade de Karlskoga e os seus arredores (o mesmo territorio do presente municipio de Karlskoga) conseguiron o título formal de cidade (stad). Dende 1971 este termo non ten significado legal e só a área urbanizada é considerada realmente cidade.

• Web oficial de Karlskoga