Elvin Hayes
  | |||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (en) Elvin Ernest Hayes 17 de novembro de 1945 (79 anos)Rayville, Estados Unidos de América (pt)  | ||||||||||||||||||||||||||||||||||||||||||
| Educación | Universidade de Houston | ||||||||||||||||||||||||||||||||||||||||||
| Altura | 206 cm | ||||||||||||||||||||||||||||||||||||||||||
| Peso | 107 kg | ||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||
| Ocupación | baloncestista | ||||||||||||||||||||||||||||||||||||||||||
| Período de actividade | 1968 - 1984 | ||||||||||||||||||||||||||||||||||||||||||
| Nacionalidade deportiva | Estados Unidos de América | ||||||||||||||||||||||||||||||||||||||||||
| Deporte | baloncesto | ||||||||||||||||||||||||||||||||||||||||||
| Liga | Baloncesto masculino da División I da NCAA e National Basketball Association | ||||||||||||||||||||||||||||||||||||||||||
| Posición de xogo | Ala-pivote e Pivote | ||||||||||||||||||||||||||||||||||||||||||
| Convocado por | Houston Rockets | ||||||||||||||||||||||||||||||||||||||||||
| |||||||||||||||||||||||||||||||||||||||||||
 | |||||||||||||||||||||||||||||||||||||||||||
Elvin Ernest Hayes, nado o 17 de novembro de 1945 en Rayville, Luisiana, é un ex xogador profesional de baloncesto estadounidense da National Basketball Association (NBA). Foi seleccionado no primeiro posto do Draft en 1968 polos San Diego Rockets, onde xogaría até 1972 para retornar nun segundo período de 1981 a 1984. Con todo, a parte máis exitosa da súa carreira foi como xogador dos Washington Bullets (actuais Washington Wizards) con quen gaña o campionato de 1978. Na súa honra o equipo capitalino retirou o seu dorsal 11, que hoxe pendura do Verizon Center.
A nivel individual, foi 12 veces ininterrompidas All-Star e máximo anotador da liga no seu primeiro ano xogando na competición, 1969. Hayes foi votado como uns dos "cincuenta mellores xogadores da historia da NBA" en 1996 e admitido no Basketball Hall of Fame como xogador en 1990. Foi habitualmente alcumado como "The Big E".
Traxectoria
[editar | editar a fonte]Universidade
[editar | editar a fonte]
Disputou a liga universitaria entre 1966 e 1968 cos Cougars da universidade de Houston. Nese tres tempadas fixo unha considerables medias de 31,0 puntos e 17,2 rebotes por partido. O seu mellor partido disputouno o 20 de xaneiro de 1968. Ese día enfrontábanse aos Bruins de UCLA, liderados por Lew Alcindor, que unha vez convertido ao islamismo cambiou o seu nome polo de Kareem Abdul-Jabbar. Este partido supuxo a primeira vez que se retransmitía un encontro universitario por televisión a todo o país. Disputouse no Houston Astrodome, e bateu o récord de asistencia de público nun partido de baloncesto nese momento, con 52.693 persoas vendo o encontro en directo. Hayes anotou 39 puntos e colleu 15 rebotes, deixando á estrela rival, Alcindor, en 15 puntos. Houston gañou 71-69, e ese partido foi vital para que Hayes conseguise ese ano o título de "Xogador do Ano". Ese partido está considerado por moitos como o "partido do século", xa que ademais, rompía unha serie de 47 partidos sen perder de UCLA. Compre destacar que Hayes foi, xunto a Don Chaney, o primeiro xogador afroamericano da Universidade de Houston.
NBA
[editar | editar a fonte]Foi elixido na primeira posición do draft polos San Diego Rockets en 1968. Na súa primeira tempada conseguiu anotar, nun partido contra Detroit Pistons, 54 puntos, acabando a mesma cunha media de 28,4 puntos e 17,1 rebotes, o que lle valeu para entrar o o quinteto ideal de novatos dese ano e ser o máximo anotador da competición. Sorprendentemente, o título de Rookie do ano levoullo Wes Unseld, con peores estatísticas, mais que tamén obtivo o MVP da liga. Curiosamente ambos foron compañeiros de equipo anos despois, cando Hayes foi traspasado aos Baltimore Bullets, logrando entre os dous levar ao seu equipo a tres finais da NBA, gañando o título na tempada 1977-78.
Acabou a súa carreira onde empezou, nos Rockets, xa establecidos na cidade de Houston. Nos seus 16 anos como profesional fixo unha media de 21,0 puntos e 12,5 rebotes por partido.
Equipos
[editar | editar a fonte]- San Diego Rockets (1968-1971)
- Houston Rockets (1971-1972)
- Baltimore Bullets (1972-1973)
- Capital Bullets (1973-1974)
- Washington Bullets (1974-1981)
- Houston Rockets (1981-1984)
Palmarés
[editar | editar a fonte]
- Campión da NBA (1978).
- Doce veces All-Star (1969–1980).
- Unha vez Máximo anotador da NBA (1969)
- Dúas veces Máximo reboteador da NBA (1970, 1974)
- Tres veces nos Primeiro equipo da NBA (1975, 1977, 1979).
- Tres veces nos Segundo equipo da NBA (1973, 1974, 1976).
- Dúas veces no Segundo equipo defensivo da NBA (1974–1975)).
- Unha vez no Primeiro equipo rookie da NBA (1969)
- Máximo anotador histórico dos Washington Wizards.
- Nomeado un dos 50 mellores xogadores da historia da NBA (1996).
- Membro do Basketball Hall of Fame (1990).
- Número 11 retirado polos Washington Wizards.
- Número 44 retirado pola Universidade de Houston.
Véxase tamén
[editar | editar a fonte]Ligazóns externas
[editar | editar a fonte]
- Xogadores de baloncesto da NBA
- Xogadores de baloncesto dos Estados Unidos de América
- Eleccións no Draft da NBA dos San Diego Rockets
- Xogadores dos San Diego Rockets
- Xogadores dos Houston Rockets
- Xogadores dos Baltimore Bullets
- Xogadores dos Capital Bullets
- Xogadores dos Washington Bullets
- Pivotes de baloncesto
- Membros do Salón da Fama da NBA
- Nados en 1945
- Nados na parroquia de Richland, Luisiana