César Torres Martínez
  | |
| Biografía | |
|---|---|
| Nacemento | 1905 Caldas de Reis, España |
| Morte | 14 de novembro de 1988 (82/83 anos) Vigo, España |
 Gobernador civil da provincia de Lugo | |
| 21 de xullo de 1932 – 14 de maio de 1933 | |
 Alcalde de Caldas de Reis | |
| 1931 – xuño de 1932 – Joaquín Hervés Baltar → | |
 Gobernador civil da provincia de Granada | |
| Gobernador civil da provincia de Xaén | |
| Gobernador civil da provincia de Almería | |
| Gobernador civil da provincia de Ávila | |
| | |
| Datos persoais | |
| Educación | Universidade de Santiago de Compostela |
| Actividade | |
| Ocupación | político |
| Partido político | Izquierda Republicana |
César Torres Martínez, nado en Caldas de Reis en 1905 e finado en Vigo o 14 de novembro de 1988, foi un avogado e político republicano galego.
Traxectoria
[editar | editar a fonte]Licenciado en Dereito pola Universidade de Santiago de Compostela en 1929.[1] Militante de Acción Republicana. Coa proclamación da República foi alcalde de Caldas de Reis até xuño de 1933. Foi nomeado gobernador civil de Lugo o 21 de xullo de 1932, quedando á fronte da alcaldía de Caldas o primeiro tenente alcalde Ramón Búa Carou. César Torres cesou como gobernador de Lugo o 14 de maio de 1933. Foi nomeado gobernador civil de Almería en maio dese ano. Despois foi gobernador civil de Ávila (do 13 de outubro ao 20 de decembro de 1933). Integrado en Izquierda Republicana, foi nomeado gobernador civil de Xaén o 19 de marzo de 1936, pasando a Granada o 24 de xuño.
Co golpe de Estado do 18 de xullo de 1936 foi detido o 1 de agosto. Xulgado en consello de guerra salvou da morte grazas á amizade da súa muller co bispo de Granada; foi condenado a cadea perpetua, e estivo oito anos en prisión. Abríronlle expediente de responsabilidades políticas en outubro de 1940.[2] Inhabilitado como avogado, o seu amigo Buenaventura Castro Rial influíu para que fose nomeado conselleiro-secretario do Banco de Vigo-Viñas Armada e delegado da aseguradora MGS para a provincia de Pontevedra.[3] Finou en Vigo o 14 de novembro de 1988.[4]
| Predecesor: - |
 Alcalde de Caldas de Reis 1931 - 1933 |
Sucesor: Joaquín Hervés Baltar |
Vida persoal
[editar | editar a fonte]- Casou en Almería con Josefina Díaz Torres en outubro de 1933,[5] e foi pai de César Torres Díaz; casou en segundas nupcias con Elvira Goberna Lago en 1954 e foi pai de Luis e Javier Torres Goberna.
Notas
[editar | editar a fonte]- ↑ El Pueblo Gallego, 6-7-1929, p. 11.
- ↑ BOE, 3-10-1940, p. 4616.
- ↑ Múgica Melgar, José Luis (2009). Autor-editor, ed. Banco de Galicia, orígenes, evolución y extinción. p. 68. ISBN 978-84-9981-067-6. Consultado o 22 de decembro de 2014.
- ↑ Necrolóxica en La Voz de Galicia, 15-11-1988, p. 65.
- ↑ Diario de Almería, 24-10-1933, p. 1.
Véxase tamén
[editar | editar a fonte]Bibliografía
[editar | editar a fonte]- Serrallonga i Urquidi, Joan (2007). "El aparato provincial durante la Segunda República. Los gobernadores civiles, 1931-1939" (PDF). Hispania Nova (7). Consultado o 4 de agosto de 2013.
Ligazóns externas
[editar | editar a fonte]- No todos fueron Lorca
- Ficha en Todos los nombres
