A boca aberta

A boca aberta
Ficha técnica
Título orixinal	La Gueule ouverte
Director	Maurice Pialat
Guión	Maurice Pialat
Intérpretes	Hubert Deschamps Monique Mélinand Philippe Léotard Nathalie Baye Henri Salquin Alain Grestau Anna Gayane
Fotografía	Néstor Almendros
Montaxe	Arlette Langmann
Estrea	1974
Duración	82 minutos
Orixe	Francia
Xénero	Drama
Na rede

A boca aberta (en francés: La Gueule ouverte) é un filme francés de 1974 dirixido por Maurice Pialat. Representa, de xeito realista, unha muller que atravesa unha enfermidade terminal e tamén se enfronta ás tumultuosas vidas do seu marido e do seu fillo. Foi un dos filmes de Pialat con menos éxito comercial.^[1] Foi o terceiro filme dos dez que dirixiu antes da súa morte en xaneiro de 2003.

Está protagonizado por Monique Mélinand, Philippe Léotard, Hubert Deschamps e Nathalie Baye. Néstor Almendros, o fotógrafo español coñecido por traballar con directores da Nouvelle Vague como François Truffaut e Éric Rohmer, colaborou con Pialat por primeira vez neste filme.^[2] O título é unha referencia poética á posición da boca aberta que ás veces se atopa nos cadáveres.^[1]

Monique Mélinand interpreta unha muller na fase finais dunha doenza terminal. O seu fillo Philippe, a muller de Philippe Nathalie e o seu marido Roger intentan consolala mentres ela atravesa o seu calvario. Porén, eses dous homes máis achegados da súa vida persoal comezan a involucrarse máis nas súas relacións con múltiples amantes. O seu marido coquetea cos clientes na súa tenda de roupa e mercería mentres o seu fillo coquetea coas enfermeiras. O filme incorpora elementos da ópera de Mozart Così fan tutte con efectos poéticos, relacionados con estas escenas.^[3] Finalmente, a muller pasa por varios momentos fondamente emotivos mentres a doenza cobra a súa vida.^[3]

• Hubert Deschamps como Roger
• Monique Mélinand como Monique
• Philippe Léotard como Philippe
• Nathalie Baye como Nathalie
• Henri Saulquin
• Alain Grestau
• Anna Gayane