Catedral Nova de Lleida

Catedral Nova de Lleida
País	España
Localización	Lleida
Coordenadas	41°36′48″N 0°37′23″L / 41.61331667, 0.62295833
Diocese	Diocese de Lérida
Estilo	arquitectura barroca e arquitectura neoclásica
[ editar datos en Wikidata ]

A Catedral Nova de Lleida foi construída entre os anos 1761 e 1781 grazas ás achegas do rei Carlos III, ás achegas económicas dos propios ilerdenses e tamén á do bispo Joaquín Sánchez. Chámase "Nova" porque xa había na cidade de Lleida outra catedral, coñecida como Seu Vella, do século XIII.

A Catedral Nova é de estilo barroco con gran tendencia ao clasicismo academicista francés. Está situada en pleno eixe comercial de Lleida e fronte ao antigo Hospital de Santa María.

As escalinatas que dan acceso ao interior dan a tres portas de ferro de medio punto e torres laterais. Estas escalinatas dan acceso á porta principal onde loce o escudo dos borbóns.

O interior presenta unha planta de tres naves; o coro, obra de Lluís Bonifaç i Massó, de estilo barroco, foi destruído durante a Guerra Civil.

Tamén se venera na Catedral á Virxe do Blau, que segundo conta a lenda, debe o seu nome do "blau" (en catalán morado ou mazadura) ao hematoma que lle deu o escultor ao lanzarlle un martelo que lle pegou na fronte, ao ver que durante unha das súas viaxes, un discípulo seu finalizara sen problemas a escultura, con máis facilidades ca el.

• 
  Virxe do Blau
• 
  Vista interior

• Seu Vella de Lleida

Wikimedia Commons ten máis contidos multimedia na categoría:  Catedral Nova de Lleida

• Web do Consorcio do Turó de la Seu Vella de Lleida (en catalán)
• A Seu Vella na páxina web de Turismo de Lleida (en catalán)