Índice de Desenvolvemento Humano

(Mapa para daltónicos) Problemas de visión co verde e vermello. O Índice de Desenvolvemento Humano ou IDH é un índice estatístico composto que vén sendo empregado polo Programa das Nacións Unidas para o Desenvolvemento (PNUD) dende 1993, avaliando o desenvolvemento humano dos estados do mundo.

O índice foi desenvolvido en 1990 polo economista paquistanés Mahbub ul Haq e o economista indio Amartya Sen^[2].

• Educación: para avaliar a dimensión da educación o cálculo do IDH considera dous indicadores. O primeiro é a taxa de alfabetización, considerando a porcentaxe de persoas maiores de 15 anos de idade. O segundo é a taxa bruta de escolarización, combinando as medidas das taxas para a educación primaria, secundaria e superior.
• Lonxevidade: a lonxevidade é avalidada considerando a esperanza de vida ó nacer, que permite a medición indirecta da satisfacción de bens materiais esenciais tales como o acceso a unha alimentación sa, á auga potable, a unha vivenda digna, a unha boa hixiene e a coidados médicos.
• Nivel de vida/renda: calcúlase mediante o logaritmo do Produto Interior Bruto por habitante en paridade de poder adquisitivo, en dólares. Engloba os elementos da calidade de vida que non son descritos polos dous índices anteriores, como a mobilidade ou o acceso á cultura.

O IDH calcúlase como a media aritmética dos índices de lonxevidade, nivel de educación e nivel de vida ou renda.

• ${\displaystyle \mathrm {IDH} ={\frac {\mathrm {L} +\mathrm {E} +\mathrm {R} }{3}}}$ (onde ${\displaystyle \mathrm {L} }$ = Lonxevidade, ${\displaystyle \mathrm {E} }$ = Educación e ${\displaystyle \mathrm {R} }$ = Renda)

O cálculo destes índices vén dado no seguinte cadro:

Cálculo dos índices que compoñen o Índice de Desenvolvemento Humano.

Índice	Medida	Valor mínimo	Valor máximo	Fórmula
Lonxevidade	esperanza de vida ó nacer (EV)	25 anos	85 anos	${\displaystyle L={\frac {\mathrm {EV} -25}{60}}}$
Educación	Taxa de alfabetización (TA)	0%	100%	${\displaystyle E={\frac {2\mathrm {TA} +\mathrm {TBS} }{3}}}$
	Taxa bruta de escolarización (TBS)	0%	100%
Renda	logaritmo do PIB por habitante en paridade de poder adquisitivo	100 USD	40 000 USD	${\displaystyle R={\frac {\log _{10}\mathrm {PIB} -2}{2\mathrm {,} 60206}}}$

No informe publicado en 2007 o Índice de Desenvolvemento Humano oscila entre Islandia cun índice de 0,968 na primeira posición ó 0,336 de Serra Leoa no posto 177.

Os estados clasifícanse en 3 grandes grupos_

• Estado con desenvolvemento humano alto (IDH ≥ 0,8): 70.
• Estado con desenvolvemento humano medio (0,5 ≤ IDH < 0,8): 85.
• Estado con desenvolvemento humano baixo (IDH < 0,5): 22.

Commons ten máis contidos multimedia sobre:  Índice de Desenvolvemento Humano

• Lista de países por Índice de Desenvolvemento Humano

• 2007 UN Human Development Index Report (PDF).
• 2006 UN Human Development Index Report (PDF).
• 2005 UN Human Development Index Report (PDF). Arquivado 25 de agosto de 2007 en Wayback Machine.
• 2004 UN Human Development Index Report (PDF).
• 2020 INFORME SOBRE DESARROLLO HUMANO (PDF) [1]
• CONSULTA DE DATOS ONLINE ACTUALIZADOS ^[1]

1. ↑ "DATA CENTER DO PNUD".