Tryntsje van der Zee

Se sette sa'n sechtich Nederlânske en bûtenlânske toanielstikken oer nei it Frysk foar toanielselskip Tryater en in soad oare Fryske amateurselskippen, lykas it Burgumer Iepenloftspul. Begûn as sekretaresse by Tryater, dêr't har man Pyt van der Zee artistyk lieder wie. Neidat se earste teksten kontrolearre, is se begûn mei it sels oersetten. Dêrneist wurke se as taalkorrektor en taalwacht foar Tryater.

Yn 2008 is Tryntsje van der Zee foar har fertsjinsten beneamd ta Ridder yn de Oarder fan Oranje Nassau. Ek krige se dat jier de dr. Obe Postmapriis takend foar har oersettings fan toanielstikken yn de trije jier dêrfoar. Neffens de sjuery hat se mei har oansprekkende taalgebrûk bydroegen oan it súkses fan Tryater.

allinnich

• 1983 - Begroetingen (nei Les Salutations, fan Eugène Ionesco)
• 1998 - De Hear fan Ocksefurd, of: Frijerij mei Tûkelteammen (nei Monsieur de Pourceaugnac, fan Molière)
• 2003 - Hjerst yn Riga (nei Staromodnaja Komedija, fan Aleksej Arbuzov)
• 2003 - De Parvenu (nei Le Bourgeois Gentilhomme, fan Molière)
• 2004 - Hamlet (nei Hamlet, fan William Shakespeare)
• 2005 - In Protte Spul om Neat (nei Much Ado About Nothing, fan William Shakespeare)
• 2005 - Puntila (nei Herr Puntila und Sein Knecht Matti, fan Bertolt Brecht)
• 2005 - De Streken fan Skarlún (nei Les Fourberies de Scapin, fan Molière)
• 2007 - Trije Susters (nei Tri Sestry, fan Anton Tsjechov)
• 2012 - It Blaaibek Hert (nei The Tell-Tale Heart, fan Edgar Allan Poe)

yn 'e mande mei Pyt van der Zee

• 1992 - It Kersehôf (nei Višnevyj, fan Anton Tsjechov)
• 1994 - De Mieu (nei Čajka, fan Anton Tsjechov)
• 1998 - De Dea fan in Hannelsreizger (nei Death of a Salesman, fan Arthur Miller)