Empirestyl
Empire (útsprekke as "ampier") is de namme foar in Frânske keunststreaming út it begjin fan de 19e iuw. De Empire styl, wurdt troch guon ek wol beskôge as de twadde faze fan it neoklassisisme. De styl waard tapast op meubels, dekoraasje en byldzjende keunst.
De styl is ûntstien en neamd nei de perioade fan it regear fan Napoleon I yn Frankryk, bekend as it Earste Frânske Keizerryk, in tiid fan idealisearring fan Napoleon syn liederskip en fan de Frânske Steat. De styl rint likernôch gelyk op mei de Biedermeier styl yn Dútsksprekkende lannen, de Federale styl yn de Feriene Steaten en de Regency style yn Brittanje. In betide foarm fan dizze styl waard de Adam styl yn Grut Brittanje en de "Louis Seize" of Loadewyk XVI, yn Frankryk neamd.
Skaaimerken
bewurkje seksjeNapoleon wie in bewûnderer fan de Egyptyske kultuer, dêrfandinne dat yn de Empire-styl eleminten en patroanen út de Ald-Egyptyske en Romeinske boukeunst tapast waarden.
Hy die ynspiraasje op by de fjildtochten en helle in protte keunstskatten út it lân om dy oer te bringen nei Parys.
De styl is besibbe oan de klassisistyske Loadewyk I-styl. Skaaimerken binne it gebrûk fan ferguldingen, militaria, sfinksen, palmetten en skelle, rike pastelkleuren.
Napoleon liet oeral dêr't er kaam de pleatslike boargerij yn de kunde komme mei syn Empire-styl. Sadwaande hat de styl in koarte mar fûleindiige bloeiperioade yn Europa kend. As reaksje op de Empire ûntstiene letter yn de 19e iuw de (Neo-gotyk) en de Biedermeier-styl, hoewol't de lêste earst letter 'agearre' tsjin Empire.
Kolleksjes
bewurkje seksje- ferskate sealen in het Kastiel fan Fontainebleau
- ferskate sealen in het Kastiel fan Versailles
- ferskate meubels yn it Kastiel fan Laken
- Yn it Keninklik Paleis te Amsterdam is in folsleine samling Empire-meubels út de tiid fan Loadewyk Napoleon.
-
Napoléon syn troan
-
Stoel yn it Louvre
-
Napoléon's keamer yn Fontainebleau
-
Horloazje
-
Napoléon's Egyptysk servys (Sevres, 1804-06)
-
Fontainebleau
-
Tafel
-
In keamer yn Palacio Real, Madrid