De Kievit (Grypskerk)

De Kievit is in nôtmûne yn Grypskerk yn 'e provinsje Grinslân.

De Kievit
mûne / mole
lokaasje
provinsje	Grinslân
gemeente	Westerkertier
plak	Grypskerk
adres	Mûnestrjitte 33
koördinaten	53°15'N 6°18'E
bysûnderheden
type mûne	stellingmûne
funksje	nôtmûne
flecht	21,08 m
boujier	1899
oare ynformaasje
eigner	Gem. Westerkertier
monumintale status	ryksmonumint
monumintnûmer	18792 [1]
Kaart

De mûne waard yn 1899 boud mei gebrûk fan it materiaal fan in ôfbrutsen oaljemûne út Nijesyl. De foargonger, in lytsere mûne dy't letter "De Leeuw" neamd waard, ferhûze nei Echt, dêr't de mûne ôfbaarnde. By de werbou bleau de fjouwerkante ûnderbou yntakt. De mûne hat sadwaande in tige grutte bedriuwsromte ûnder de stelling. Eartiids wie de mûne ek as pelmûne ynrjochte, mar de hjoeddeiske mûne hat allinne noch in koppel mealstiennen.

Yn 1989 krige de mûne de namme De Kievit. Ynearsten wie de namme "De Leeuw" foardroegen, mar yn Oldehove stie ek al in mûne mei dy namme. De wjukken hawwe in flecht fan 21,08 meter en binne Ald-Hollânsk ophekt2.

De mûne is eigendom fan de gemeente Westerkertier.

Súdlik fan it doarp stiet noch De Westerhorner, in poldermûne. Yn 2003 waard eastliker dêrfan oan it Van Starkenborghkanaal de Zwakkenburgermûne boud.