Lockheed U-2

De Lockheed U-2, byname Dragon Lady, is in strategysk ferkenningsfleantúch, ûntwurpen foar langduorjende operaasjes op grutte hichte, foar alle waarsomstannichheden by dei en nacht. De U-2 is dêrom útrist mei krêftige kamara's. De U-2 fleach foar de CIA. De U-2 waard ek brûkt foar elektroanysk sensor ûndersyk, de kallibraasje fan satelliten en kommunikaasjedoelen.

De U-2 hat in rol spile by in tal wichtige barrens yn de Kâlde Kriich; by ferkenningen boppe de Sowjet Uny, de Folksrepublyk Sina, Noard-Fietnam en Kuba. Yn 1960 waard CIA-piloat Gary Powers by in flecht boppe Sowjetterritoarium delsketten, mei fan gefolgen fûle Russyske krityk op de Amerikaanske polityk

De U-2 bleau yn tsjinst nei de ein fan de Kâlde Kriich en is ien fan de tastellen dy't mear as 50 jier troch de USAF brûkt binne. It hat in rol spile by de konflikten yn Afganistan, Irak en by ferskate multynasjonale NATO-operaasjes. De rol fan de U2 wurdt anno 2014 hieltyd mear oernaam troch alternative apparaten en fleanmasines: ferkenningssatelliten, ûnbemanne drones (lykas de Northrop Grumman RQ-4 Global Hawk) en konvinsjonele fleantugen.

• 
  In ER-2 fan de NASA foar eksperiminteel ûndersyk
• 
  Filmkamera wêr't de U2 mei útrist wie

• U-2 chase cars
• Webstee Beale AFB home of the U-2S
• Offisjele USAF feiten U-2S
• U-2 feiten op it webstee fan Global Security
• U-2 op de FAS