Pontêbe

Pontebe o ancje Ponteibe ^[1] (slov. Tablja, tal. Pontebba, tod. Pontafel) al è un comun in part inte Valcjanâl e in part intal Cjanâl dal Fier.

Al dì di vuê al fâs part de provincie di Udin e al à 1.768 abitants. Al è in part cuadrilengâl: e je int che e fevele (dongje il talian) furlan, sloven e todesc.

Lis sos frazions a son:

• Aupe (tal. Aupa)
• Frattis (tal. Frattis)
• Studene Alte (tal. Studena Alta)
• Studene Basse (tal. Studena Bassa)
• San Leopold (slov. Lipalja vas, tal. San Leopoldo-La Gleisie, tod. Leopoldskirchen) - cheste frazion e je avonde cognossude tal ambit de lenghistiche, parcè che e je stade plui voltis sielzude par indagjinis in chest cjamp: difat propit aì (fintramai 20-30 agns indaûr), a vivevin plui personis che a rivavin a doprâ coretamentri ancje dutis lis lenghis in dì di vuei cognossudis come minoritariis inte regjon Friûl-Vignesie Julie;
• Perteade (tal. Pietratagliata).

Inte Valcjanâl a si cjatin la frazion di San Leopold e la part di Ponteibe a çampe de flumere Pontebane (ven a stai la part che prime de Prime Vuere Mondiâl e jere logade in Carintie); intal Cjanâl dal Fier a si cjatin invezit Aupe, Frattis, Studene Alte, Studene Basse, Perteade e la altre part di Ponteibe).

Ancje se al rientre in part inte aree cuadrilengâl de Valcjanâl, al è ricognossût dome come comun cun minorancis storichis furlanofonis e gjermanofonis - e no cun minorancis slavofonis.

1. ↑ Denominazions uficials in lenghe furlane.

• 
  La plêf di Sante Marie Majôr
• 
  La frazion di Studene Alte
• 
  Panorame di Aupe
• 
  Lis monts di Ponteibe
• 
  La cjase comunâl
• 
  Il palaçut de glace
• 
  Piere che e segnave il cunfin tra Ponteibe (Italie) e Pontafel (Austrie)
• 
  Il Pas di Pramuel
• 
  La mont di Gleris o Siet Pichis

Su Wikimedia Commons al è disponibil contignût multimediâl relatîf a: Pontebba

• Barbara Cinausero, La toponomastica di Pontebba - Un territorio di confine romanzo-slavo-germanico, Società Filologica Friulana - Centro di Toponomastica Friulana, Udine, 2003, 250 p.
• Giovanni Daniele Piemonte, Pontebba e la sua storia, Udine, Arti Grafiche Friulane, 1982, 158 p.