Messaggero Veneto
Il Messaggero Veneto - Giornale del Friuli (a la letare Messazîr Venit - Gjornâl dal Friûl) al è il sfuei plui impuartant inte regjon Friûl-Vignesie Julie par difusion, di propietât dal 1998 dal Gruppo Editoriale L'Espresso. La sede dal 1968 e je logade in viâl Palme, a Udin. Dal 1994 il gjornâl al è dividût in doi tocs, chel gjenerâl e chel di cronache, disponibil in trê edizions (Udin, Gurize e Pordenon). Di lunis il gjornâl al cjape il non di «Messaggero del Lunedì», cun l'insert sportîf «Messaggero Veneto Sport». Une volte al mês e ven publicade une pagjine par furlan cun notiziis culturâls e aprofondiments.
Storie
[cambie | modifiche il codiç]Il cuotidian al fo fondât ae fin de Seconde Vuere Mondiâl, ai 24 di Mai 1946[1], cuant che ducj i gjornâi che a jerin vendûts prime de Vuere a vevin sierât. Il non al jere justificât in chel periodi sei pal fat che il Friûl al faseve part de regjon venite, sei par rinfuarcî i leams cun la Vignesie Julie, che in chei dificii moments e stave par vignî dividude tra Italie e Jugoslavie. Il Messaggero al è stât precursôr di gnovis tecnologjiis: tal 1968 al fo il prin cuotidian in Europe a passâ ae composizion a frêt, cence i metodis tradizionâi di stampe; intal 1978 a jentrarin in redazion i prins videoterminâi.
Diretôrs
[cambie | modifiche il codiç]- 1946 - 1948 Enrico Mascilli Migliorini
- 1948 - 1965 Carlo Tigoli
- 1965 - 1966 Isi Benini
- 1966 - 1992 Vittorino Meloni
- 1992 - 2000 Sergio Gervasutti
- 2000 - 2005 Sergio Baraldi
- 2005 - 2012 Andrea Filippi
- 2012 - Omar Monestier
Difusion
[cambie | modifiche il codiç]| An | Copiis vendudis |
|---|---|
| 2006 | 52.114 |
| 2005 | 51.725 |
| 2004 | 51.735 |
| 2003 | 51.560 |
| 2002 | 51.543 |
| 2001 | 53.027 |
| 2000 | 52.772 |
| 1999 | 52.190 |
| 1998 | 51.785 |
| 1997 | 50.552 |
| 1996 | 50.577 |
Dâts Ads - Accertamenti Diffusione Stampa
Vjot ancje
[cambie | modifiche il codiç]Leams esternis
[cambie | modifiche il codiç]- (talian) Sît ufiziâl
- (furlan) Sit ufiziâl, traduzion par Ingles [1]