Riap

En riap as en toog faan Abaca, Manilahenep of Flaaks, üüb Oomram an Sal hää'm diar Halem för brükt. Halemriaper san oober miast grööwer an sjoker.

Riaperboonen uun Hamborag.
En bil ütj at Hamborger Museeum för Histoore.

Mä son riapmaskiin san a sialen ferdreid wurden.

Riaper tren

Tu riaper tren brükt'am en lung boon, huar jo sialen iarst enkelt an do mäenööder ferdreid wurd. Sok boonen wiar bit 400 m lung. Üüb huuchsjiisk sait am diar Reeperbahn tu. Uun Hamborag het daalang en bekäänd struat noch so. Uk uun ööder stääden jaft at struaten mä didiar nööm: Uun Buxtehude, Eckernförde, Elmshorn, Kiil, Lauenburg, Lüchow an Verden.

Nat

Riaper faan halem san üüb a nuurdfresk eilunen fööraal brükt wurden, am raidsaagen tu driiwen. Starker riaper för a siafaard wiar miast faan manila maaget.

Neier tidj

Daalang wurd riaper miast ütj konsttriader maaget. Sok triader, diar fiks wat ütjhual, het Kevlar, Dyneema of Spectra.