Bro-Dreger

Krogit e-barzh !
Un danvez pennad eo ar pennad-mañ diwar-benn broioù kozh Breizh ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Bro-Dreger
Anv(ioù) all	Treger
Anv gallek	Trégor
Geografiezh
Rannvro	Rannvro Breizh
Departamant	Aodoù-an-Arvor,  Penn-ar-Bed
Kêr-benn	Landreger
Kêrioù pennañ	Montroulez, Lannuon, Gwengamp
Daveennoù lec'hiañ	48°37′23″N 3°20′14″W
Gorread	2 251 km²
Lein uhelañ	306 m (Roc'h C'hlas)
Poblañs
Annezidi	Tregeriad, Tregeriadez
Poblañs	205 023 ann. (2010)
Stankter	91,08 ann./km²
Yezhoù	Brezhoneg Treger, galleg
Relijion	Katoligiezh
Istor
Savidigezh Eskopti Treger	865
Diskar Treger	27 a viz Genver 1790
kemmañ

Bro-Dreger pe Treger (e galleg : Trégor pe Trégor(r)ois pe Tréguier) a zo unan eus nav bro diazez Breizh, hag a glot dre-vras gant an nav eskopti a oa bet e Breizh betek an Dispac'h Gall, war-bouez un dek parrez bennak eus Bro-Dreger hag a oa stag ouzh eskopti Dol. Koshoc'h eo ar vro eget an departamantoù, a zo bet savet e 1790.

E Gwalarn Breizh emañ Treger. Hiziv ec'h endalc'h e diriad lodenn Gornôg departamant Aodoù-an-Arvor hag ur bastellig-vro e biz departamant Penn-ar-Bed ("Treger Izel"). Teir dourredenn a yae d'ober an harzoù anezhi,

• ar C'hevleud ha Rinier Montroulez er C'hornôg
• al Leñv, ha goude-se aber an Trev goude ar c'hember gant hemañ diwezhañ.

A gornôg da reter:

• Kefleud
• Dosenn
• Dourdu
• Douron
• Yar
• Rozkoad
• Kerdu
• Leger
• Gindi
• Yeodi
• Treñv
• Leñv

A-hend-all, ouzhpenn Treger Izel, etre Kefleud ha Leger, e komzer ivez eus

• Treger Vras etre Leger ha Treñv ;
• Treger Vihan etre Treñv ha Leñv .

Bevennet eo Bro-Dreger, er c'hreisteiz, gant Menez Are, eus eienenn ar C'hefleud da hini al Leñv (Kerchouan).

Ar menezioù se a ra an disparti gant Bro-Gernev.

Dont a rafe an anv eus Tri+*kor = Tri bagad.

Gwelout breutadenn war bajenn Landreger.

Diazezer an eskopti a zo bet, hervez an hengoun, sant Tudwal (Tugdual dre fazi), anvet ivez Pabu (Tad). P'eo unan eus ar seiz sant diazezer Breizh e oa Landreger war hent ar birc'hinrided a rae Tro Breizh. Bevañ a rae sant Tudwal er VI^vet kantved hag eus Kembre e oa deuet. Roet e vije bet, gant e eontr Riwal, roue Domnonea, pe gant e genderv Derrog, un tamm douar evit ma vije savet un abati, hini Landreger. Daoust ma vije bet dilennet sant Tudwal da eskob e 532, ne gaver ket roud eus an eskopti a-raok an X^vet kantved. Er XIII^vet kantved e tap sant Erwan, barner-Iliz ha person, ganet er Vinic'hi, e-kichen Landreger, ur vrud a santelezh ken buan m'eo santelaet daou-ugent vloaz goude e varv e 1303.

An eskob a zo staliet e Sant-Brieg bremañ a zo eskob Sant-Brieg ha Landreger diouzh e ditl ofisiel.

127 kumun a-vremañ a ya d'ober Bro-Dreger istorel.

Hervez niveradeg 2010 e oa 205 023 annezad^[1] hag ur gorread a 2 251 km². Lannuon, Montroulez (glann dehou) ha Gwengamp eo ar c'hêrioù pennañ.

Emañ Bro-Dreger e Breizh-Izel evit an darn vrasañ ha komzet e veze brezhoneg eno. N'eus nemet e daou barez e gevred ar vro e-lec'h e veze komzet gallaoueg^[2].

E distro-skol 2022 e oa enskrivet er skol Diwan hag er c'hlasoù divyezhek 896 skoliad (10,6% eus skolidi ar vro evit a sell ouzh ar c'hentañ derez)^[3].

Koef Treger, an doukenn, a veze kavet e-maez Treger a-wechoù, evel e kanton Kallag, e Kerne.

• Listennad kumunioù Bro Dreger

g • ka • ke Nav bro gozh Breizh Breizh-Izel Bro-Dreger • Bro-Gerne • Bro-Gwened • Bro-Leon Breizh-Uhel Bro-Naoned • Bro-Roazhon • Bro-Sant-Brieg • Bro-Sant-Maloù • Bro-Zol Arvor • Argoad • Bevenn ar brezhoneg • Marz Breizh

Porched Breizh – Adkavit pennadoù ha rummadoù Wikipedia a denn da Vreizh.