Tommy Ramone
Thomas Erdélyi, Tamás Erdélyi jaioa eta Tommy Ramone izen artistikoz ezaguna, (Budapest (Hungaria), 1949ko urtarrilaren 29a - Queens, New York, AEB – 2014ko uztailaren 11) Ramones punk rock taldeko lehen bateria-jotzaile eta kide sortzaileetako bat izan zen.
| Tommy Ramone | |
|---|---|
 (2008) | |
| Bizitza | |
| Jaiotza | Budapest, 1949ko urtarrilaren 29a |
| Herrialdea |  Hungaria  Ameriketako Estatu Batuak |
| Heriotza | Ridgewood (en)  , 2014ko uztailaren 11 (65 urte) |
| Heriotza modua | berezko heriotza: kolangiokarzinoma |
| Hezkuntza | |
| Hizkuntzak | ingelesa |
| Jarduerak | |
| Jarduerak | bateria-jotzailea eta disko-ekoizlea |
| Kidetza | The Ramones Uncle Monk (en) |
| Izengoitia(k) | Tommy Ramone |
| Genero artistikoa | punk |
| Musika instrumentua | bateria |
| Diskoetxea | Sire Records |
| ramones.com | |
       | |
Biografia
aldatuTamás Erdélyi Budapesten jaio zen, Hungarian, 1949ko urtarrilaren 29an. Jatorri juduko gurasoak izan zituen, argazkilari profesionalak, Holokaustoan bizilagunen laguntzarekin biziraun zutenak. Senitarteko bat baino gehiago erail zuten naziek.
1956ko Hungariako Iraultzan ihes egin zuen familiak eta 1957an AEBetara emigratu zuen. Hasiera batean Bronx hegoaldean jarri baziren ere, New Yorkeko Queensera joan ziren, Forest Hillseko erdi mailakoen auzo batera. Han hazi zen Tamás eta, gerora, izena aldatu zuen, Thomas Erdelyi izango zelarik.
Bigarren Hezkuntzako eskolan hasi zen Tommy gitarra jotzen 1960ko hamarkada erdialdean; Tangerine Puppets izena zuen hasierako banda horrek eta gelakide bat zuen bertan, John Cummings, gero, Johnny Ramone izango zena.
Eskola utzi eta 18 urterako Record Planten zegoen lanean, 1970ean, Jimi Hendrixen Band of Gypsys albuma ekoizten lagundu zuelarik.
Tommyk bateria utzi eta bokalista izateko gomendatu zion Joey Ramoneri. Ramones taldean parte hartu zuen 1978ra arte, Rocket to Russia azken estudioko albuma atera zen arte. Marky Ramonek ordeztu zuen.
Ez zen luze egon bandan, 1974tik 1978ra arte, baina Ramonesen arima osatzen lagundu zuen. Blitzkrieg Bop abestia da horren adibide garbia, askorentzat taldearen hoberena eta, maiz, lehen punk-abestia kontsideratu dena[1]. Ramones (1976), Leave Home (1977) eta Road to RuinRamones (1978) albumak atera eta gero, Ramones aldi batean utzi zuen, baina berriro itzuli zen; Road to Ruin (1978) ekoizten lagundu zuen eta horrela jarraitu zuen gero ere, ekoizle eta disko-editore[2].
Bateria jotzeko zuen estiloa ere nabarmendu behar da, gerora taldean egongo ziren bateria-jotzaileengan eragina izango zuena.
Ramones utzi ondoren, beste ekoizle-lan batzuk ere egin zituen, The Replacements bandaren Tim (1985) bezala edo Redd Krossen Neurótica (1987)[2].
Bere azken proiektu musikala bluegrass moldeko Uncle Monk taldea izan zen, Claudia Tienanekin batera[3].
2014ko uztailaren 11n, kolangiokarzinomak (bide biliarretako minbizia) hil zuen Queensen, New York. 62 urte besterik ez zituen eta Ramones taldeko hasierako kideen artean bizirik zirauen bakarra zen[1].
Erreferentziak
aldatu- ↑ a b https://www.naiz.eus/es/hemeroteca/gara/editions/gara_2014-07-13-07-00/hemeroteca_articles/fallece-tommy-ramone-bateria-y-ultimo-miembro-de-the-ramones
- ↑ a b http://www.diariovasco.com/culturas/musica/201407/12/fallece-tommy-ramone-ultima-20140712093732-rc.html
- ↑ https://elpais.com/cultura/2014/07/12/actualidad/1405155324_899079.html
| Wikimedia Commonsen badira fitxategi gehiago, gai hau dutenak: Tommy Ramone |
Datuak: Q366900
Multimedia: Tommy Ramone / Q366900