Piarres Peralta eta Ezpeletakoa
Piarres Peralta eta Ezpeletakoa edo Piarres Peraltakoa "Gaztea" (1421-1492) nafar noble eta militarra izan zen, Gerra Zibilean Nafarroako kondestable eta agaramontarren buruzagia[1]. Leringo kondea, Martzillako baroia eta Azkoien, Funes, Cárcar, Andosilla, Faltzes, Undiano, Azagra eta Caparrosoko jauna izan zen.
| Piarres Peralta eta Ezpeletakoa | |
|---|---|
 | |
| Bizitza | |
| Jaiotza | 1420 (egutegi gregorianoa) |
| Herrialdea |  Nafarroako Erresuma |
| Heriotza | 1492 (egutegi gregorianoa) (71/72 urte) |
| Familia | |
| Ezkontidea(k) | Isabelle de Foix (en)  |
| Jarduerak | |
Biografia
aldatuAita Piarres Martinez de Peralta Ruiz de Azagra (edo Piarres Peraltakoa "Zaharra") eta ama Joana Ezpeleta Garro izan zituen.
Bitan ezkondu zen:
- lehendabizikoz, oraindik adingabekoa zela, 1440ko abenduaren 27an Erriberriko Nafarroako Erregeen Jauregian Antonio Brabantekoaren sasikoa zen Anarekin. Biek hiru seme-alaba izen zituzten: Piarres oinordekoa, Joana (Agostako kondea zen Troilo Carrillo ezkondu zuena) eta Elisabet (Ablitasko jauna zen Joan Enrikez Lakarra ezkondu zuena).
- bigarrenez, Elisabet Foix eta Albretekoarekin. Alaba bakarra izan zuten: Ana Peralta eta Foixkoa, Nafarroako infante zen Jakue Foixkoa bere lehengusua ezkondu zuena (hau Gaston IV.a Foixkoa eta Leonor I.a Nafarroakoaren semea zen).
Errege-erregina Katolikoekin eta Aragoiko koroarekin harreman estuak izan zituen eta Toledoko artzapezpikua zen Alfonso Carrillo de Acuñarekin batera erregeen ezkontza antolatu zuen[2]. Horri esker, Fernando II.a Aragoikoak 1513an Alonso Carrillo Peraltakoa bere iloba Faltzesko markes izendatu zuen eta bere leinua bost mendez Martzillako gaztelutik gobernatu zuen[3].
1468ko azaroaren 23an, Nikolas Etxabarri Iruñeko apezpikuaren hilketan parte hartu zuen, Tafallan egindako Nafarroako Gorteetan. Ez zuen barkamena lortu, 1471n Aita Santuak amnistia eman zuen arte.[4]
Erreferentziak
aldatu- ↑ Yanguas y Miranda, José. (1840). Diccionario de antigüedades del Reino de Navarra. I Iruñea: Imprenta de Javier Goyeneche.
- ↑ Alvar, Alfredo. (2004). Isabel la Católica, una reina vencedora, una mujer derrotada. Madril: Temas de Hoy.
- ↑ Sagasti Lacalle, María José; Sagasti Lacalle, Blanca. El Linaje de los Peralta en los siglos XV y XVI, Blasones de la pinceladura del Castillo de Marcilla. .
- ↑ Egaña, Iñaki. (2009). Mil nuevas noticias insólitas del país de los vascos. Txalaparta, 59 or. ISBN 9788481365436..
| Aurrekoa Luis II.a Beaumontekoa |
Nafarroako kondestable Piarres Peralta 1451-1481 |
Ondorengoa Luis III.a Beaumontekoa |
Datuak: Q940707