Lorient

Lorient
	Frantziako udalerria
	Irudi gehiago
Administrazioa
Estatu burujabe	Frantzia
Frantziaren banaketa administratiboa	Metropolitar Frantzia
Defense and Security zone of France	Western defense and security zone
Eskualdea	Bretainia
Departamendua	Morbihan
Barruti	Lorienteko barrutia
Alkatea	Norbert Métairie (en)
Izen ofiziala	Lorient
Posta kodea	56100
Geografia
Koordenatuak	47°44′45″N 3°21′59″W / 47.7458°N 3.3664°W
Azalera	17,48 km²
Altuera	0 m eta 46 m
Mugakideak	Quéven, Caudan, Lanester, Larmor-Plage eta Ploemeur
Demografia
Biztanleria	57.846 (2021eko urtarrilaren 1a); 434 (2020)
Dentsitatea	3.309 bizt/km²
Informazio gehigarria
Sorrera	1666ko ekaina
Ordu eremua	UTC+01:00 eta UTC+02:00
Hiri senidetuak	Ventspils, Ludwigshafen, České Budějovice, Galway, Toluca de Lerdo eta Vigo
	lorient.bzh, lorient.bzh… eta demat.lorient.bzh

Lorient (bretainieraz An Oriant) Bretainiako hegoaldeko kostaldean dagoen hiria eta portua da. Mor-Bihan departamenduko eta Bro Gwened lurralde historikoko hiri handiena da, ez ordea hiriburua. 2013ko erroldaren arabera 57.961 biztanle ditu.

Geografia

Scorff eta Blavet ibaien bokalean dago, Lorienteko arradan. Parean Groix uhartea dauka, bere izaera geologiko bereziarengatik 1982an Mineralen Natur Erreserba izendatu zutena.

Historia

Monumento megalitikoek erakusten dute eremua K.a. 3000 urtearen inguruan populatu zela. Quimper eta Vannes lotzen zituen erromatarren errepidearen aztarnak ere badaude.

1666. urtean sortu zen hiria, merkataritzako portu bat egiteko Indietako Konpainiari lurrak eskaini zizkiotenean. Lorienteko portua XVIII. mendean garatu zen, batez ere esklabuen trafikoari esker. 1720 eta 1790 artean 156 itsasontzik 43.000 esklabu eraman zituztela estimatzen da. Garai hortan hiria haziz joan zen eta kale berriak eraiki ziren etxe zaharrak bota eta harrizko berriak altxatuz. 1744an harresiek inguratu zutenhiria eta 1769an Erregearen Itsas Armadarako egoitza izateko portu handia eraiki zuen.

XIX mendean esklabu jarduerak bukatu ziren eta jarduera ekonomiko berriak sortu ziren, arrantza, ontzigintza eta sardina kontserba lantegiak ireki ziren.

Bigarren Mundu Gerran zehar bonbardaketa ikaragarriak nozitu zituen Lorient hiriak.

Ekonomia

Ekonomia jarduera nagusiak industria (janari industria, ontzigintza, industria mekanikoa, ehungintza), arrantza eta turismoa dira. Aireportua ere badauka.

Kaia

Bizkaiko golkoan kokaturik, arrantza portu garrantzitsua dauka, Frantziako nagusietakoa Boulogne-sur-Mer eta Concarneau/Konk-Kernekoekin batera. Itsaspekoen base alemaniarra izan zen Bigarren Mundu Gerra garaian.

Kultura

1971 urtetik aurrera Lorienteko Interzeltiar Jaialdia ospatzen da. Zeltiar Herrialdeen bilgunea da, bertan hainbat herrialde eta eskualdeetako kultura, musika eta ohiturak topa daitezkelarik. Abuztuko lehenbiziko egunetan ospatzen da eta hamar egunetako iraupenarekin ezaugarri hauetako munduko jaialdirik handiena da.

Kirolak

FC Lorient (Football Club Lorient-Bretagne Sud) Lehen mailan jokatzen du. Liga bat (1995) eta kopa bat (2002) irabazi ditu.

Ondasun nabarmenak

Udaletxea.
Notre-Dame de Victoire eliza.
Kirol kaia.
Keroman Itsaspekoen egoitza.
Lorienteko Interzeltiar Jaialdia.
Stade du Moustoir estadioa.
Groix uharteko labarrak.

Herri eta hiri senidetuak

Galway, Irlanda
Vigo, Galizia
Wirral, Ingalaterra
Ventspils, Letonia
Toluca de Lerdo, Mexiko
Ludwigshafen, Alemania
České Budějovice, Txekiar Errepublika
Denizli, Turkia

Kanpo estekak

(Frantsesez) Lorient/An Oriant hiriko webgunea
(Frantsesez)"Festival Interceltique"

Datuak: Q71724
Multimedia: Lorient / Q71724

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.