John Charles Fields
John Charles Fields (Hamilton, Ontario, Kanada, 1863ko maiatzaren 14a - Toronto, Ontario, Kanada, 1932ko abuztuaren 9a) kanadar matematikaria izan zen.
| John Charles Fields | |
|---|---|
 | |
| Bizitza | |
| Jaiotza | Hamilton, 1863ko maiatzaren 14a |
| Herrialdea |  Kanada |
| Heriotza | Toronto, 1932ko abuztuaren 9a (69 urte) |
| Hobiratze lekua | Hamilton Cemetery (en)  |
| Hezkuntza | |
| Heziketa | Torontoko Unibertsitatea Johns Hopkins Unibertsitatea |
| Tesia | Symbolic Finite Solutions and Solutions by Definite Integrals of the Equation dny/dxn = xmy (en) |
| Doktorego ikaslea(k) | Samuel Beatty (en) |
| Hizkuntzak | ingelesa |
| Jarduerak | |
| Jarduerak | matematikaria |
| Enplegatzailea(k) | Johns Hopkins Unibertsitatea (1887 - 1889) Allegheny College (en) (1889 - 1892)Torontoko Unibertsitatea (1902 - 1932) |
| Lan nabarmenak | ikusi
|
| Jasotako sariak | |
| Kidetza | Royal Society Sobietar Batasuneko Zientzien Akademia Royal Society of Canada (en) Zientzien Errusiar Akademia |
  | |
Biografia
aldatuTorontoko Unibertsitatean jaso zuen matematikako titulua 1884. urtean. Johns Hopkins Unibertsitatean ere ikasi zuen, eta 1889an matematikako irakasle izendatu zuten Allegheny Collegen.
1892tik aurrera Fieldsek Europan jardun zuen, Fuchs, Frobenius, Hensel, Schwarz eta Planckekin batera; oso urte garrantzitsuak izan ziren haren ikerlanaren garapenerako.
1902an Torontoko Unibertsitatean hasi zen irakasle-lanetan, eta hantxe egon zen hil arte. Urte horietan funtzio aljebraikoak ikertu zituen gehienbat.
Ohore asko jaso zituen bizitzan zehar. 1907an Kanadako Errege Elkarteko kide, eta 1913an Londresko Errege Elkarteko kide aukeratu zuten. 1924an Matematikarien Nazioarteko Kongresua ospatu zen Toronton, eta Fields izan zen mahaiburu. Hala ere, Fields ezagunagoa da matematikarientzako domina bat (Fields domina) sortu izanagatik. 1932ko Zuricheko Nazioarteko Kongresuan onartu zen ideia, eta lehenengo dominak 1936eko Osloko Kongresuan eman zizkieten Lars Ahlfors eta Jesse Douglas matematikariei.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q315431
Multimedia: John Charles Fields / Q315431