Izar aldakor irregular

Izar aldakor irregular bat, bere distira aldaketek, tarte detektagarririk ez duten izar aldakor mota bat da. Bi talde oso ezberdinduetan bereiz daitezke:

• Izar aldakor eruptibo irregularrak
• Izar aldakor oszilatzaile irregularrak

Hiru mailatan bana daitezke:

• I taldea: Hau, aldi berean, IA (Otik Arako espektro motak) eta IB (Ftik Mrako espektro motak) azpitaldeetan banatzen da.
• IN taldea: (aldakor irregular lainotsuak), izar eraketa gertatzen ari den tokietan aurkitzen direnak. Zenbait magnitude alda dezakete, egun 1 eta 10 bitartean magnitude 1eko aldaketa azkarrekin. Espektro motaren arabera, INA eta INB azpitaldeetan ere bana daitezke; gainera, INT azpitaldea dago T Tauri izarrentzako edo INT (YY), YY Orionis izarrentzako.
• IS taldea: 0,5 eta magnitude 1 arteko aldaketa azkarrak izaten dituzte ordu edo egun gutxi batzuetan. Hauek ere, aurreko bi mailak bezala, azpitaldetan banatzen dira, ISA eta ISB azpitaldeetan, zehazki

Espektro mota berantiarretako (K, M, C, S) izar oszilatzaileak dira. Bi mailatan bana daitezke:

• L-LB motakoak, izar erraldoiak badira
• LC motakoak, izar superrerraldoiak badira

Mota honetako izar aldakor batzuk, askorik aztertu ez diren izar aldakor erdi irregularrak izan daitezke.