Indar-lerro

Indar-lerroa edo eremu-lerro eremu bektorial batean definitutako kurba da, zeinaren tangenteak, puntu bakoitzean, eremuak puntu horretan duen norabidea adierazten baitu. Indar-eremu bat eta indar-eremu horretan partikulek jasaten duten indarra irudikatzeko erabiltzen dira eremu-lerroak. Eremua era aljebraikoan adieraz daiteke, baina, bestalde, egokia da begi hutsez erabiltzeko. Hala, bektoreen luzera, norabide eta noranzko bidez adierazten da eremua, baina ezinezkoa da espazioko puntu guzti-guztietan bektoreak irudikatzea. Horregatik erabiltzen dira eremu-lerroak, egokiagoak direlako irudikatzeko. Espazioko lerro orientatuak dira, eta edozein punturen inguruan dagoen eremuaren lerroek espazioan duten dentsitatea eremuak puntu horretan duen intentsitatearekiko proportzionala da^[1].