Gene Simmons

Chaim Witz (gero Gene Simmons izenarekin) Tirat Carmel, Haifa, Israelen jaio zen 1949an. Bere familia Jackson Heights, Queens, New York Cityra mugitu zen berak zortzi urte zituenean.^[1] Bere ama, Flóra Klein, Jánd, Hungarian jaio zen. Klein izen alemana (euskaraz, txikia) hungarieraz Kiss moduan itzultzen da, eta hortik dator rock taldearen izena.^[2] Florence eta bere neba, Larry Klein, holokaustoa biziraun zuten bere familiako bakarrak izan ziren. Gene Simmonsen aita, Feri Witz, Hungarian jaioa ere, Israelen jarraitu zuen. Simmonsek bere familia "benetan txiroa" zela esaten du, ogia eta esnearekin bizirauten zutela.^[3] Ameriketako Estatu Batuetan, Simmonsek bere izena aldatu zuen Eugene Klein izatera (geroago Gene Klein), bere amaren jatorrizko abizena hartuaz. Williamsburg, Brooklyneko Yeshiva Torah Vodaathera joaten zen txikitan, goizeko 7etatik gaueko 9:30etara.^{[4] [5]}

Simmons nerabe bat zela hasi zen bere lehenengo taldearekin, Lynx, geroago The Missing Links deitu zena. Batzutan, The Missing Links uzten zuen Long Island Sound sortzeko (izena Long Island, Westchester County, New York, Connecticut eta Rhode Islandetik banatzen zituen esturarioari buruzko hitz jolasa da). Talde honeetan jotzen ari zela, hainbat lan hartu zituen diru gehiago lortzeko, hala nola komiki erabiliak saltzea. Simmons Loch Sheldrake, New Yorken zegoen Sullivan County Community Collegera joan zen. Beste talde batean sartu zen, Bullfrog Bheer, eta talde honek demo bat grabatu zuen, "Leeta"; demo hau Kissen The Box Set bilduman sartu zuten.

 

1970. hamarkadaren hasieran Simmonsek Wicked Lester rock taldea sortu zuen Stanley Harvey Eisenekin (orain Paul Stanley bezala ezagutua) batera eta album bat grabatu zuten, inoiz kaleratu ez zutena. Wicked Lesterren soinu eta irudiarekin gustura ez zeudenez, Simmons eta Stanley bere taldekideak botatzen saiatu ziren; ez zuten lortu, eta orduan Wicked Lester utzi zuten, Epic Records zeukaten kontratua bertan behera utziz. Behin betiko rock taldea sortzea erabaki zuten, eta bateria baten bila hasi ziren. Simmonsek eta Stanleyk Peter Criscoulak, Peter Criss bezala ezagutua, jarritako iragarki bat aurkitu zuten, garai hartan Brooklyneko tabernatan jotzen ari zena; batu eta trio moduan jotzen hasi ziren. Paul Frehley, Ace Frehley bezala ezagutua, gitarjole nagusia bilatzeko The Village Voicen jarritako iragarki bati erantzun zion, eta laster taldean sartu zen. Kissek bere izena zuen lehen albuma atera zuen 1974ko otsailean. Stanleyk laster hartu zuen interprete nagusiaren ardura, Simmonsek Kiss merchandising izena izango zuenaren ardura hartu zuelarik. Simmonsek erabiltzen duen "Demon" makillajearen begietako diseinua Black Bolt komikietako pertsonaiarengandik hartu zuen.^[6]

 

1983an, Kissen ospea beherantz zihoanean, taldekideek beraien makillajea kendu zuten eta ospea berreskuratzen joan ziren 1990. hamarkadaraino. 1995. urtean zehar, taldeak bere zaleen konbentzio propioak egin zituen, eta jatorrizko lau kideak biltzeko zaleen etengabeko eskaerak 1996-1997 urteetako Alive World/wide Tour bira ospetsua ekarri zuen. 1998an, taldeak Psycho Circus albuma kaleratu zuen. Garai hartatik jatorrizko kideak berriro banatu ziren Tommy Thayerek Ace Frehley gitarra-jole moduan ordeztuz eta Eric Singerek (1992tik 1996ra Kissekin egon zena) Peter Criss baterian ordeztuz.

Simmons George W. Bushen administrazioaren kanpo politikaren jarraitzailea zen.^[7] 2003ko Irakeko inbasioaren alde egin zuen, bere webgunean zera idatziz: "I'm ashamed to be surrounded by people calling themselves liberal who are, in my opinion, spitting on the graves of brave American soldiers who gave their life to fight a war that wasn't theirs...in a country they've never been to... simply to liberate the people therein" (Lotsa ematen dit beraien burua liberal moduan daukaten jendez inguratuta egoteak, berez, beraien bizitza eman duten soldatu amerikar ausarten hilobietan tu egiten dutenak... bere gerra ez zena... inoiz egon ez diren herrialde batean... bertako jendea libratzeko baino ez.).^[8] Jarraian, Simmonsek bere iritzia azaldu zuen eta Ameriketako Estatu Batuengan sentitzen duen maitasunari eta errespetuari buruz idatzi zuen: "I wasn't born here. But I have a love for this country and its people that knows no bounds. I will forever be grateful to America for going into World War II, when it had nothing to gain, in a country that was far away... and rescued my mother from the Nazi German concentration camps. She is alive and I am alive because of America. And, if you have a problem with America, you have a problem with me" (Ez nintzen hemen jaio. Baina herrialde honenganako eta hemengo jendearenganako maitasun infinitua dut. Beti egongo naiz Amerikarekin eskertuta Bigarren Mundu Gerran sartu izanagatik, irabazteko ezer ez zuenean, oso urrun zegoen herrialde batean... eta nire ama salbatu zuen kontzentrazio-esparru nazi-alemanetatik. Bera bizirik dago eta ni bizirik nago Amerikari esker. Eta, Amerikarekin arazorik baduzu, nirekin arazoak dituzu.).^[8]

2006an Israel eta Libanoren arteko Libanoko gerran zehar, Simmonsek telebista mezu bat bidali zion (bai ingelesez eta hebreeraz) Libanon borrokatzen ari zela zauritua gertatu zen soldatu israeldar bati, bere "heroi" moduan deitu ziolarik.^[9]

2010ean, Simmonsek esan zuen Barack Obamari bozkatzeaz damutu zela eta 2009ko osasun erreformak kritikatu zituen.^[10] Obamaren 2011ko Ekialde Hurbilari buruzko hitzaldiaren ondoren, non presidenteak Israel eta palestinarrak "1967ko mugetan eta guztien onerako trukeetan oinarritutako" akordu bat negoziatzera animatzen zituen,^[11] Simmonsek CNBC kateari esan zion Obama oso oker zegoela. "If you have never been to the moon, you can't issue policy about the moon. For the president to be sitting in Washington D.C. and saying, 'Go back to your '67 borders in Israel' – how about you live there and try to defend an indefensible border – nine miles wide?" (Ez bazara inoiz ilargian egon, ezin duzu ilargiko politikari buruz ezer esan. Berdina gertatzen da Washington D. C.n jesarrita dagoen presindetarekin, esaten duena '67. urteko Israelgo mugetara itzuli' - zergatik ez zara bertan bizi eta existitzen ez diren mugengatik borrokatu?) Simmonsek Nazio Batuak akusatu zituen "munduko erakunde patetikoena izateagatik".^[12]

2011. urtean Israelera egin zuen bisita batean, arrazoi politikoak direla eta Israelen jotzen ez duten artistak "ergelak" zirela esan zuen, Isarelen emango zuten kontzertuak bertan behera utzi zituzten artistei buruz.^[13]

Zientzia-fikzioaren zale bihurtu zen eta hainbat aldizkari amateur argitaratu zituen, hala nola, Sirruish, Id, Cosmos (Stilletto aldizkariarekin batu zena Cosmos-Stilletto eta gero Faun bilakatzeko), Tinderbox, Sci-Fi Showcase, Mantis eta Adventure. Beste aldizkari batzuekin kolaboratu zuen, BeABohemarekin esaterako.^[14]

1960. hamarkaldiaren amaieran, bere izena aldatu zuen Gene Simmons jartzeko, Jumpin' Gene Simmons izeneko rockabilly artista zela eta.^[15] Simmonsen izen ofiziala Israeletik heldu zenean Gene Klein da.

Simmons Beverly Hills, Californian bizi izan da bere emaztearekin, Playboy Playmate izandako Shannon Tweed aktoreagaz, 28 urtetan zehar. Askotan esan du bera eta Tweed "pozik ez-ezkonduta" egon direla 20 urtetan. Azkenean, 2011ko urriaren 1ean ezkondu ziren, Beverly Hills, Californiako Beverly Hills Hotel hotel historikoan.^[16][17] Bi seme-alaba dituzte: seme bat, Nick (1989ko urtarrilaren 22an jaioa), eta alaba bat, Sophie Alexandra (1992ko uztailaren 7an jaioa). Lehenago Cher eta Diana Rossekin erlazioak izan zituen.^[1] Simmonsek ingelesa, alemana, hungariera eta hebreera hitz egiten ditu.^[1]

2011ko martxoan, Simmons Israelera bisita egin zuen, jaio zen herrialdera. Bidaia "bizitza aldatzen zuen esperientzia" bezala deskribatu zuen. Israeldarra izaten sentitzen den moduari buruz hitz egin zuen – "I'm Israeli. I'm a stranger in America. I'm an outsider" (Israeldarra naiz. Amerikan atzerritarra naiz. Kanpotarra naiz.).^[18] Bertan zegoelarik, Genek bere Kobi anaiordea ezagutu zuen, baita Drora, Sharon eta Ogenia arrebaordeak, azkenengo biak bikiak direnak.^[19] Simmonsek bere taldea, Kiss, Israelera eramateko asmoak ditu. Beti esan du Israel herrialdearen jarraitzaile porrokatua dela.^[20] Israelen eman zuen prentsaurreko batean, hebreera eta ingelesa hitz egin zituen.^[21]

• 2002ko otsailean, NPR kateko Fresh Air irrati saioan elkarrizketa bat izan zuen, eta 4.600 emakumerekin sexua eduki izanari buruz galdetu zioten Terry Grosseri erantzun zion: "If you want to welcome me with open arms, I'm afraid you're also going to have to welcome me with open legs", (Besoak zabalik hartu ahal nauzu, baina hankak zabalik hartuko nauzulako beldurra dut), The Whoren 1981eko "You Better You Bet" abesti ospetsuaren letra erabiliz. Grossek erantzun zuen: "Hori esateko gauza benetan desatsegina da". Orduan, Simmonsek elkarrizketa interneten eskuragarri agiteko baimean kendu zion NPR kateari.^[22] Hala ere, Grossen All I Did Was Ask (ISBN 1-4013-0010-3) liburuan idatzita agertzen da eta baimenik gabeko transkripzioak daude. NPR kateak elkarrizketan zati bat berremititu zuen 2007ko abuztuan.^[23] Simmonsen taldekide Paul Stanleyk askotan esaldi hau erabili izan du "... welcomed us with open arms and open legs" Kissen kontzertuetan.
• 2004an, Melbourne, Australian eman zuen elkarrizketa batean, islamiar extremismoari buruz hitz egiten zegoelarik, Simmonsek islama "kultura zital" moduan deskribatu zuen, emakume musulmanek beraien senarren atzetik ibili behar zutela, ikasketak izateko edo etxeak edukitzeko baimenik ez zutela esanez. Esan zuen: "They want to come and live right where you live and they think that you're evil", (Bizi zaren lekura etorri eta bizi nahi dute, eta txarra zarela uste dute). Sortu zituen kritiken artean, Susan Carland Urteko Musulman Australiarrak esan zuen Simmonsek musulmanei buruz zuen estereotipoa okerra zela.^[24] Geroago, Simmonsek bere webgunean bere komentarioak azaldu zituen, extremismo musulmanari buruz baino ez hitz egin zuela esanez.
• 2005ean, Simmonsen neskalagun izandako Georgeann Walsh Wardek demandatu zuen, bere "izena belztu" zitzaiola esanez VH1ko When Kiss Ruled the World dokumentalean eta "emakume lizun" moduan deskribatu zelako.^[25] 2006ko ekainean akordu batera iritsi ziren.^[26]
• 2011n, Kiss Michael Jacksonen tributu kontzertuko parte-hartzaileen zerrendatik kendu zuten Simmonsek Jacksonen bizitza pertsonalari eta arazo legalei buruz egin zituen komentario negatiboak zirela eta.^[27]

Gene Simmonsek hainbat baxu erabili ditu bere karreran zehar:

• Axe Bass (Kramer, Jackson, B.C. Rich eta orain Cort)
• Punisher Bass (B.C.Rich, orain Cort)
• Pedulla Basses (1980. hamarkaldian eta 1990. hamarkaldiaren hasieran)
• Spector Gene Simmons Signature
• Pedulla Basses (1980. hamarkaldian eta 1990. hamarkaldiko hasieran batez ere)
• Gibson Grabber (Kissen hasierako urteetan batez ere)
• Gibson Ripper (Kissen hasierako urteetan batez ere)
• Custom Lebau baxua (Wicked Lester, Kissen hasierako urteetan 73–74)
• Cort Guitars Signature GS-1 Bass

Ampeg SVT CL Series amplifikatzaileak erabiltzen ditu 8x10-eko baffleekin. 2010ean Gene Simmons Cort Guitarsekin batu zen GS-AXE-2 izeneko baxu edizioa egiteko.

Simmons telebista proiektu hauen atzean ibili:

• My Dad the Rock Star, Nelvana kanadiar animazio enpresak sortutako komikia, Gene Simmons moduko rock star den aita bat duen gazte bati buruzkoa.
• Mr. Romance, Simmonsek sortutako eta zuzendutako Oxygen kableko telebista kateko saioa.
• Rock School, Simmonsek Christ's Hospital School eskolako ikasle talde bat (bigarren denboraldian Lowestofteko institutuko ikasle talde bat) rock talde bihurtzen saiatuko den errealitate saioa.
• Gene Simmons Family Jewels,^[28] Simmonsen, bere neskalagunaren eta bere seme-alaben bizipenak kontatzen dituen errealitate saioa.

2011ko martxoaren 9an, Simmonsek eta Kisseko taldekide den Paul Stanleyk eta E! Entertainment enpresak oraindik izena ez duen ordu erdiko gazteentzako komedia telebista seriea sortzeko ados batera iritsi zirela adierazi zuten.^[29]

Simmons Venice, Californiako Mystic Journey Bookstore dendan agertu zen psikiko moduan lan egiten I Get That a Lot izeneko kamera ezkutuko telebista saio amerikarrean.^[30]

2011ko urtarrilaren 28an, Simmons Dallas, Texasen zegoen Aces & Angels Salute to the Troops karitate ekitaldea bultzatzeko. Dallasen zegoelarik, Dallas, Texasko hiriaren giltza eman zioten eta bere izena jarri zioten kale bati, Gene Simmons Boulevard. Simmonsek eta Tweedek Ft. Hood ere bisitatu zuten Tropak bultzatzeko Aces & Angels ekitaldeko parte bezela. Urte bereko ekainaren 15ean Winnipeg, Manitobako hiriaren giltza eman zioten.

2007an, beste zenbait pertsona ospetsurekin batera, baita pertsona normalekin ere, Nickelbacken "Rockstar" abestirako musika bideoan agertu zen.

Tony Hawk's Underground jokoan Gene Simmons pertsonaiarekin jokatu daiteke, istoria moduan maila Normala igaro eta gero, eta Kiss taldekideekin agertzen da Hotter Than Hell mailan abesti bat jotzeko K-I-S-S lau letrak jaso ondoren.

Gene Simmonsen Kiss pertsonaiarekin, The Demon, Kiss: Psycho Circus: The Nightmare Child jokoan jokatu daiteke.

Simmonsek ere 2010eko Guitar Hero: Warriors of Rock musika bideo-jokoan parte hartze handia du. Istorio nagusia narratzeaz eta jokoa promozionatzeaz gain, Kissen "Love Gun" abestia jo daiteke.

• Gene Simmons (1978)
• Sex Money Kiss (audiobook CD), 2003)
• Asshole (2004)
• Speaking in Tongues (spoken word CD, 2004)

In 2002an, Simmonsek Gene Simmons' Tongue kaleratu zuen, gizonezkoen bizitzaren inguruko aldizkaria.^[73] Aldizkariak bost zenbaki argitaratu zituen, bertan behera utzi baino lehen.

• Kiss and Make-Up, Gene Simmons (ISBN 0-609-81002-2)
• Sex Money Kiss, Gene Simmons (ISBN 1-893224-86-4)
• Kiss: The Early Years, Gene Simmons eta Paul Stanley (ISBN 0-609-81028-6)
• Kiss: Behind the Mask, David Leaf eta Ken Sharp (ISBN 0-446-96524-6)
• Ladies of the Night: A Historical and Personal Perspective on the Oldest Profession in the World, Gene Simmons (ISBN 1-59777-501-0)

Wikimedia Commonsen badira fitxategi gehiago, gai hau dutenak: Gene Simmons

• Gene Simmonsen webgune ofiziala
• Gene Simmons Internet Movie Database webgunean