Eneko Axpe

Artikulu edo atal hau «Maisha MC» artikuluarekin batu dadila proposatu da. (Eztabaida)

Eneko Axpe Iza (Barakaldo, Bizkaia, 1986) fisikaria da.

Eneko Axpe
Bizitza
Jaiotza	Barakaldo, 1986 (37/38 urte)
Herrialdea	Bizkaia, Euskal Herria
Hezkuntza
Heziketa	Euskal Herriko Unibertsitatea
Hizkuntzak	gaztelania euskara ingelesa
Jarduerak
Jarduerak	fisikaria eta raperoa
Enplegatzailea(k)	NASA Cambridgeko Unibertsitatea  (2016 -  2018) Harvard Unibertsitatea  (2017 -  2017) Stanford Unibertsitatea  (2018 -
Musika instrumentua	ahotsa

NASAko lehenengo Euskal Herriko materialen fisikaria bihurtu zen 2018. urtean, lehenengo fisikari euskalduna NASAko sari bat jasotzen 2018. urtean^[1] eta NASAko afiliazioarekin artikulu zientifiko bat publikatzen 2020an^[2]. Adimen artifizialean, materialen fisikan, modelo matematikoetan, gastrofisikan eta jasangarritasunaren eremuetan ikertzen dihardu. Zientzia dibulgazioan, Antena 3, Cuatro eta EiTB telebista eta irratietan aritzen da, kolaboratzaile gisa.

Sillicon Valley-ko hainbat teknologia start up-etan lideratu ditu talde desberdinak. NASAren kolaboratzaile zientifikoa da. Postdoctoral Fellow izan zen Stanford Unibertsitatean eta NASAn.^[3] Horren aurretik, Cambridgeko Unibertsitateko ikerlari eta irakaslea izan zen, Homerton College Research Fellow gisa (2016 - 2018). Euskal Herriko Unibertsitean lortu zuen bere Fisika doktoretza 2015. urtean. Harvard Unibertsitatearen eta Oxfordeko Unibertsitatearen bisitari akademikoa ere bada.

Munduko gastrofisikari onenetako bat bezala jotzen da, eta Forbes Españak gastronomian eragin handieneko 25 pertsonen artean izendatu zuen, Ferran Adrià bezalako profesionalekin batera^[4]. Jasangarritasunean aditua, fisika eta gastronomia uztartzen ditu. Arlo hauetan egindako ikerlan zientifikoei esker, The World's 50 Best Restaurants – 50 Next Science Innovators nazioarteko sari prestigiotsua jaso zuen^[5].

Barakaldoko hiriak "Ilustre de Barakaldo" izendatu zuen 2023. urtean, alkatesaren eskutik jaso zuelarik ohorea^[6].