Douarnenez

Bizkaiko golkoan kokaturik dago, Pouldavid ibaiaren estuarioan eta arrantza portu garrantzitsua dauka. Departamentuko hiriburua den Quimperretik 25 kilometro ipar-mendebaldera dago. Douarnenezko badian Tristan uharte txikia dago, itsasbehera denean oinez joan daiteke bertara.

Bretoien folklorean aipatzen den Ys hiri mitikoa bertan egon zela esaten da. Tristan uharteak Arturoren kondairako "Tristan eta Isolda"-rengatik izena duela ere esaten da.

Historiari lerratuz, Tristan uhartea Saint-Tutuarn deitzen zen XII mendean bertan zegoen prioretxearengatik. Douardenez ere garai hortan sortu zen, lehenengo aipamena 1118 urtekoa baita. Ertzean sortu zen kaia eta inguruan haziz joan zen herrixka uharteko monasterioari zegokion eta ez zituen herri eskubideak lortu 1790 arte. Sardina kontsrbaren industriak indar handia zuen dagoeneko eta orduan lortu zuen udalerri bihurtzea.

XX mendearen hasiera gogorra izan zen, kontseba lantegietako langileek grebak egin zituzten lan baldintza hobeak lortzeko. Frantzian alkate komunista izan zuen lehenengotako herria izan zen Douarnenez.

Gaur egun turismoak indar haundia hartu du eta arrantzaleen etxe tradizionalak ostatu bihurtu dira.

1986tik aurrera bi urtean behin "Itsasoko jaialdia" ospatzen da Douarnenezen. Mundu guztiko itsasontzi tradizionalen estropadak izaten dira. 2004 urtean esate baterako 30 herrialdetako 2000 itsasontzi bildu ziren badian. Herrian "sardinaren bidea" (Chemin de la Sardine) eraiki dute, ibilbidean jarritako 19 paneletan herriko sardinaren historia azaltzen da.

Bretoi hizkuntzari dagokionez 2008an lehen hezkuntzako haurren %7'97ak hezkuntza elebiduna jasotzen du.

• Nolwenn Korbell, abeslari eta aktorea.
• Bob Sinclair, musikaria.

•   Falmouth (Aberfal), Kornualles.
•   Rashidiye, Libanoko akanpaleku palestinarra.

• Douarnenezko Udal webgunea (Frantsesez)