Zerrenda:Italiako txirrindulariak

Italiako txirrindularien artean, hauek ditugu tartean aipagarriak.

Klasikoak

Carlo Galetti (1882-1949): Italiako Giroa 3 aldiz irabazi zuen.
Costante Girardengo (1893-1978): Italiako Giroa birritan irabazi zuen.
Ottavio Bottecchia (1894-1927): Frantziako Tourra eskuratzen lehenengo italiarra izan zen, eta lasterketa horretan birritan gelditu zen garaile guztira.
Giovanni Brunero (1895-1934): Italiako Giroa 3 aldiz irabazi zuen.
Alfredo Binda (1902-1986): Italiako Giroa 5 aldiz irabazi zuen, marka hori ezarri zuen lehendabiziko kirolaria izanda.
Giovanni Valetti (1913-1998): Italiako Giroa birritan irabazi zuen.
Gino Bartali (1914-2000): Italiako Giroa 3 aldiz eta Frantziako Tourra birritan irabazi zituen.
Fausto Coppi (1919-1960): Nazioartean txirrindularirik onena izan zen Bigarren Mundu Gerra baino lehen eta horren ostean. Frantziako Tourra birritan eta Giroa 5 aldiz eskuratu zituen.
Fiorenzo Magni (1920-): Italiako Giroa 3 aldiz irabazi zuen.
Felice Gimondi (1942-): Hiru lasterketa handiak historia osoan irabazi dituzten sei txirrindularien artean dago. Tourrean behin, Giroan hiru aldiz eta Espainiako Vueltan beste behin garailea izan zen.

Francesco Moser (1951-): Giroa behin eta hainbat lasterketa klasiko irabazi zituen. Munduko txapelduna beste behin izan zen.
Giuseppe Saronni (1957-): Giroa birritan irabazi zuen.
Claudio Chiappucci (1963-): Tourreko podiumean hiru aldiz egon zen eta Euskal Herriko Itzulian behin garailea izan zen.
Mario Cipollini (1967-): Inoizko sprinter hoberenen artean dugu, eta bere belaunaldiko finena arlo horretan.
Marco Pantani Il Pirata (1970-2004): Inoizko eskalatzaileen onenen artean dago. Tour eta Giro bana irabazi zituen.
Davide Rebellin (1971-): Klasikoetan espezialista eta bere belaunaldiko finenen artean arlo horretan.
Paolo Savoldelli (1973-): Eskalatzaile ona baina batez ere mendateak jaisteko trebetasunagatik ezaguna. Giroa birritan irabazi zituen.
Paolo Bettini (1974-): Lasterketa klasikoen espezialistarik onena izan da bere belaunaldian, eta agian historia osoko hoberenetarikoa ere bai.
Danilo di Luca (1976-): Giroa behin eta Euskal Herriko Itzulia beste behin irabazi zituen.
Damiano Cunego (1981-): Proba klasikoen bigarren txirrindulari italiarrik onentzat harzten dute, Bettiniren ostean.

Vincenzo Nibali (1984-): Hiru Itzuli handiak irabazi dituen 6. txirrindularia da. Bi Giro, Tourra eta Vuelta bat irabazi ditu.