Real Betis Balompié

Real Betis Balompié
Datuak
Mota	futbol-kluba eta kirol talde profesionala
Herrialdea	Espainia
Liga	Espainiako futbol ligako lehen maila
Estadioa	Benito Villamarín estadioa: Sevilla 37°21′23″N 5°58′54″W / 37.3564°N 5.98161°W / 37.3564; -5.98161  60.720
Agintea
Entrenatzailea	Manuel Pellegrini (mul)
Egoitza nagusi	Sevilla
Zeren jabe	Benito Villamarín estadioa
Historia
Sorrera	1907
Koloreak
Etxekoa 　 Kanpokoa
webgune ofiziala

Real Betis Balompié 1907an sortutako Sevillako futbol taldea da, lehen mailan jokatzen duena.

Sevillan hainbat futbol talde sortu ziren XX mendearen hasierako urteetan. 1914an talde hauetako bik bat egin zuten Sevilla Balompié (1907an sortua) eta Betis Foot-Ball Club (1909an sortua). Biei lotzen zien Sevilla Foot-Ball Club taldearen etsai izatea. Urte berean Alfontso XIII.a Espainiakoak Errege titulua eman eta gaur egungo Real Betis Balompié sortu zen.

Hasierako urteetan Sevillako Kopa sarritan irabazi bazuen ere poliki poliki indarra galduz joan zen eta urte batzutan jokalaririk gabe ere izan zen. 1924ean zuzendaritza berria sartu zen eta lehenengo garaipenak itzuli ziren, Spencer Kopa 1926an eta Andaluziako Kopa 1928an.

1929an Liga hasi zenean instituzio indartsua zen, hala ere bigarren mailan hasi zuen txapelketa. 1932-33an igoera lortu eta Betisen "urrezko aroa" hasi zen. Patrick O'Connell entrenatzaile zuen taldean 6 euskaldun, 3 kanariar eta 4 andaluziar zeuden eta 1934-35eko Liga txapelketa irabazi zuen.

Hurrengo urtean Gerra Zibilaren erruz, euskaldunek borroka egin behar izan zuten eta Betisen talde txapelduna erabat desitxuratua gelditu zen. Gerraren ondoren 1940an taldea bigarren mailara jeitsi zen eta berriz gora igo arren 1947an hirugarren mailaraino jeitsi zen. Orduan popularizatu zen “¡Viva er Beti manque pierda!” esaldia.

Hamasei urte pasa ondoren 1958 urtean berriz ere Lehenengo mailara iritsi zen eta 1964 urtean hirugarren postua lortu zuen. 1974 bitartean jeitsiera eta igoera ugari izan zituen.

Bere historiako bigarren titulua 1977ko Errege Kopa izan zen. Finalean faboritoa zen Bilboko Athletic Kluba garaitu zuen penaltien txandan 21 penalti jaurti eta gero. Ordutik aurrera jeitsieraren bat edo beste izan bazuen ere Lehen mailako talde gisa ezagutuko zuen jendeak.

80. hamarkadaren bukaeran Betisa krisi ekonomikoan sartu zen. 1992an Kirol Elkarte Anonimoa bihurtu zen eta bertako akziodun nagusia zen Manuel Ruiz de Lopera elkarteko presidente bihurtu zen. 1994an lehen mailara igo eta lehenengo urtean berriz ere hirugarren postuan sailkatu zen. Hurrengo urteetan ere postu onak lortu zituen eta Europan aritzea ohiko bihurtu zitzaion.

Kopan ere ondo ibili zen eta 1997ko finalean Bartzelonaren aurrean galdu bazuen ere 2005ean Osasuna garaituz bere bigarren Kopa lortu zuen. 2006-07an presidentearen eta entrenatzailearen arteko desadostasunak krisi instituzional latza sortu zuen eta hainbat urtzetan larri ibili ondoren 2009an maila galdu zuen. Loperaren aurkako manifestazioak izan ziren kaleetan eta 2010an Rafael Gordillo jokalari mitikoa bihurtu zen Betisen administradore nagusi.

2011ean lehen mailara igotzea lortu zuen. Hurrngo denboraldia bikain hasi zuen lehen lau partidak irabaziz lider jarri baitzen. Real Madrilekin galdu ondoren hainbat partida txar izan zituen eta Pepe Mel entrenatzailea bera ere kolokan izan zen baina azkenean ordea 13. postua eskuratu du. 2012-13an bikain ibili zen eta 6. postua eskuratuz Europa Leaguerako sailkatu zen.

2013-14 denboraldirako ordea jokalari onenak saldu eta ligan azken postuan gelditu zen 25 puntu baino lortu ez zituelarik. Urtebete egin zuen bigarren mailan eta berriz igotzea lortu zuen. 2017-18 denboraldian urte bikaina izan zuen eta seigarren eginez Europa Leaguera sailkatu zen. Hurrengo denboraldietan ez zuen esperotako maila eman, baina 2020-21 denboraldian 6. egin zuen berriz eta hurrengo urtean Errege Kopako txapelduna izan zen finalean Valencia CF penalti jaurtiketatan garaitu ondoren.

Betis zen erromatarrek Guadalquivir ibaiari eman zioten izena. Hala ere lehenengo hamarkadetan Balompié (Foot-Ball izenaren gazteleratzea) izenarekin ezagutzen zen taldea.

Sevilla Balompié taldeak uniforme zuri-urdina zeukan, Itsasgintzako ikasleek osatua baitzen, baina 1911ean Manuel Ramos Asensio entrenatzaileak Glasgow Celtic talde eskoziarraren kamiseta zuri berdeak ekarri zituen, bera bertan ikasten izana baitzen. Betis Foot-Ball Club-ek kamiseta hori-beltza zeukan. Taldeak fusionatzerakoan hiru kamisetak erabili izan zituzten baina 1918an zuri-berdea erabiltzea erabaki zen, Andaluziako banderaren koloreekin koinziditzen baitzuen.

Hasieran 13 marra berde-zuri zituen baina hamarkadek aurrera egin ahala marren kopurua gutxituz joan zen. Azken urteetan berriz ere marra finagoak erabiltzen hasi da.

1907

1909

1915

1913-1960

1961-tik

2018-2019

2019-2020

2020-2021

2021-2022

2022-2023

2023-2024

2023-24 barne:

• Denboraldiak 1. mailan: 58
• Denboraldiak 2. mailan: 28
• Denboraldiak 2. B mailan: 0
• Denboraldiak 3. mailan: 7
• Ligako posturik onena: 1.a Lehen mailan (1934-35)

2023ko irailaren 16an eguneratua.

Zbk. Postua Jokalaria 1 ATE Claudio Bravo 2 ATZ Héctor Bellerín 3 ATZ Juan Miranda 5 ERD Guido Rodriguez 6 ATZ Germán Pezzella 7 AUR Ez Abde 8 ERD Nabil Fekir 9 AUR Borja Iglesias 10 AUR Ayoze Pérez 11 AUR Luiz Henrique 12 AUR Willian José 13 ATE Rui Silva

Zbk. Postua Jokalaria 14 ERD William Carvalho 15 ATZ Marc Bartra 16 AUR Juan Cruz 17 ERD Rodri Sánchez 18 ERD Andrés Guardado 20 ATZ Abner 21 ERD Marc Roca (Leedsetik utzita) 22 ERD Isco 23 ATZ Youssouf Sabaly 24 AUR Aitor Rubial 27 ERD Sergi Altimira 28 ATZ Chadi Riad (Bartzelonatik utzita)

• Espainiako futbol ligako lehen maila: 1

1934-35

• Espainiako futbol ligako bigarren maila: 6

1941-42, 1957-58, 1970-71, 1973-74, 2010-11, 2014-15.

• Espainiako Futbol Errege Kopa: 3

1977, 2005, 2022

• Ligako Kopa: 0

1986an finalista.

• Andaluziako Kopa: 1

1928

• Sevillako Kopa: 5

1910, 1911, 1912, 1914 y 1915

• Iberiar Kopa: 0

bigarren 1935 eta 2005ean.

• Colombino Trofeoa: 5

1968, 1983, 1995, 2009, 2015

• Ramón de Carranza Trofeoa: 6

1964, 1999, 2000, 2001, 2007, 2018

Urtea	Espainiako Liga	Errege Kopa	Esp. Superkopa	Europa
1999-2000	18.a (jeitsi)	1/16
2000-01	2.a (2. mailan)	1/32
2001-02	6.a	1/32
2002-03	8.a	1/8		1/16 (Europa League)
2003-04	9.a	1/8
2004-05	4.a	1.a
2005-06	14.a	1/4	2.a	Liga fasea (Txapeldunen Liga) 1/8 (Europa League)
2006-07	16.a	1/4
2007-08	13.a	1/8
2008-09	18.a (jeitsi)	1/4
2009-10	4.a (2. mailan)	2. itzulia
2010-11	1.a (2. mailan)	1/8
2011-12	13.a	1/16
2012-13	7.a	1/4
2013-14	20.a (jeitsi)	1/8		1/8 (Europa League)
2014-15	1.a (2. mailan)	1/16
2015-16	10.a	1/8
2016-17	15.a	1/16
2017-18	6.a	1/16
2018-19	10.a	1/2		1/16 (Europa League)
2019-20	15.a	1/16
2020-21	6.a	1/4
2021-22	5.a	1.a		1/8 (Europa League)
2022-23	6.a	1/8	1/2	1/16 (Europa League)
2023-24	7.a	1/16		Ligaxka (Europa League) play-offa(Conference League)

• (Gaztelaniaz) Taldearen webgune ofiziala
• (Gaztelaniaz) Taldearen webgune ez-ofiziala

2023-24 denboraldiko Espainiako Futbol Ligako Lehen Mailako taldeak
Alavés | Almería | Athletic | Atlético Madril | Bartzelona | Betis | Cádiz | Celta Vigo | Getafe | Girona | Granada Las Palmas | Mallorca | Osasuna | Rayo Vallecano | Real Madril | Real Sociedad | Sevilla | Valentzia | Villarreal