So Long, Marianne

So Long, Marianne
Leonard Cohenen musika-lana
Egilea(k)	Leonard Cohen
Argitaratze-data	1967
Izenburua	So Long, Marianne
Honen izena darama	Marianne Ihlen (en)
Ezaugarriak
Genero artistikoa	herri-kanta
Hizkuntza	ingelesa
Deskribapena
Honen parte da	Songs of Leonard Cohen
Hitzak	Leonard Cohen
Bestelako lanak
Musikagilea	Leonard Cohen

"So Long, Marianne" (euskaraz: "Hainbeste denbora, Marianne") Leonard Cohen kanadar poeta, idazle eta musikari ospetsuak idatzitako abestia da. Abeslariak plazaratu zuen lehenengo disko luzean, Songs of Leonard Cohen, agertu zen, 1967. Pitchfork Mediak 1960. hamarkadako berrehun abesti onenen zerrendan ("The 200 Greatest Songs of the 1960s") 190. tokian jarri zuen.^[1]

Abestiaren oinarrian Leonard Cohenek Marianne Ihlen (geroago Marianne Jensen) emakume norvegiarrarekin izan zuen harremana dago. Cohenek Marrianne Greziako Hydra uhartean ezagutu zuen, 1960an. Orduan Cohenek bere bizitza osoan ezagutu zuen emakume ederrena zela esan zuen.

Uhartean herri desberdinetako intelektualak bildu ziren. Mariannek 22 urte zituen, eta Axel Jensen idazle norvegiarrarekin joan zen uhartera. Idazlearekin ezkondu eta seme bat izan zuen, baina bi urteren buruan senarrak beste emakume batekin alde egin zuen. Leonarden ezagutza kasuala izan zen, Marianne denda batean zegoen eta abeslaria izango zenak bere burua aurkeztu zion eta bere lagunekin zerbait hartzera gonbidatu. Elkarrekin Norvegiako Oslora joan ziren eta, ondoren, Leonard Cohenek Marianne eta haren semea Kanadara joatera gonbidatu zituen, Montrealen berarekin bizitzeko.

Marianne Ihlenekin Leonard Cohenek poesiatik musikara salto egin zuen eta bikoteak New Yorkera joatea erabaki zuten. 1960. hamarkadan elkarrekin bizi ziren. Dena dela, harremana aldizkakoa zen eta zazpi urte buruan hautsi zuten. Marianne 2016an hil zen.^[2][3]

Leonard Cohenek Marianneri bere hirugarren poesia liburua eskaini zion, Flowers for Hitler (1964). Halaber abesti eta poema desberdinak eskaini zizkion. Abeslariaren bigarren disko luzean, Songs from a Room albumean, alegia, emakumearen argazkia jaso ere egin zuen, atzeko azalean.

Abesti honen bertsio ugari egin dira, besteak beste, artista hauenak: Beck, John Cale (Suzanne Vegarekin batera), Brian Hyland, James (taldea), Smog (taldea), Russian Red, Jean Paul, Adam Cohen, Bill Callahan, Perla Batalla, Ron Brandsteder...

• Kari Hesthamar (2014): So Long, Marianne - A Love Story. Toronto: ECW Press. 220 or. ISBN 9781770411289.

• (Ingelesez):Marianne Ihlenekin elkarrizketa, 2005an.
• (Ingelesez):Abestia Youtuben.