Ned Kelly

Ned Kelly
	; Irudi gehiago
Bizitza
Jaiotzako izen-deiturak	Edward Kelly
Jaiotza	Beveridge (en) , 1854ko abendua
Herrialdea	Britainia Handia eta Irlandako Erresuma Batua
Heriotza	Old Melbourne Gaol, 1880ko azaroaren 11 (25 urte)
Hobiratze lekua	Greta Cemetery (en) ; Old Melbourne Gaol; HM Prison Pentridge (en)
Heriotza modua	heriotza zigorra: urkatzea
Familia
Aita	John "Red" Kelly
Ama	Ellen Kelly
Haurrideak	ikusi Dan Kelly (en) ; Kate Kelly (en) ;
Hezkuntza
Hizkuntzak	ingelesa
Jarduerak
Jarduerak	Bushrangerra eta idazlea

Edward Kelly, askoz ere ezagunagoa Ned Kelly ezizenaz (1854/1855ko ekaina, Beveridge, Victoria, Australia – 1880ko azaroaren 11, Melbourne, Victoria, Australia), Australiako bidelapur ospetsuena izan zen; halere, australiar askoren ustez, britainiar aginte kolonialari aurre egin zion herri heroia izan zen.

Biografia

Guraso irlandarren semea izan zen: aita John "Red" Kelly zen eta ama Ellen Quinn. Australiako Victoria estatuko Beveridge udalerrian jaio zen. Oso gaztea zelarik etxean gertatutako arazo baten ondorioz, bertako poliziarekin liskarra izan zuen. Polizia haren bila joan eta hiru agente hilda suertatu ostean, Ned Kelly eta koadrila legegabe bilakatzea erabaki zuten. Azkenik, Glenrowan udalerrian haien eta poliziaren arteko azken borroka jazo zen; bertan, Kellyk metal plakez eginiko kaskoa eta armadura jantzi zituen. Ondoren, atxilotu eta epaitu zuten. 1880ko azaroaren 11n Melbourne Gaol espetxean urkatu zuten. Garai hartako The Age eta The Herald egunkarien arabera, haren azken hitzak hauek izan omen ziren: "'Bizia honelakoa da'". Haren ausardiak eta ospeak australiar historiako kultura ikonoa bilakatu dute, bereziki folklore, literatura eta zineman.