Lindisfarne

Lindisfarne
Lindisfarneko gaztelua
Bertako izena	Holy Island
Geografia
Kokapena	Ipar itsasoa
Azalera	4,04 km2
Politika
Herrialdea	Erresuma Batua
Herrialdea	Ingalaterra
Eskualdea	Ipar-ekialdeko Ingalaterra
Konderria	Northumberland
Gizartea
Biztanleria	162 (2001)

Lindisfarne Ingalaterrako ipar-ekialdeko kostaldean dagoen itsasgorako uhartea da. Holy Island izena ere badu eta Northumberlandeko civil parish edo parrokia-zibil bat osatzen du.

Antzinako ingelesez, Lindisfarena^[1] zuen izena, "Lindseytik datozen bidaiarien[uharte]a" esan nahi duena,^[2].

San Aidan irlandar monjek, VII. mendearen hasieran, Oswaldo Northumbriakoa erregeak hala eskatuta, bertan monasterio ospetsu bat ezarri zuten, iparraldeko Ingalaterra ebanjelizatzeko asmotan. Denboraren poderioz kultura-gune nagusi bilakatu zen: Lindisfarneko Ebanjelioak bertan idatzi zituzten, X. mendean ingelesezko lehenengo glosak izan zirenak^[3].

793ko ekainaren 8an bikingoek mendebaldeko Europan egindako lehenengo erasoa jasan zuen,^[4][5], adituek Bikingoen Aroaren hasieratzat jotzen dutena.^{[erreferentzia behar]}

875ean monjek uhartea utzi zuten bikingoen erasoak zirela eta. Normandiarren garaian, 1093an, itzuli eta 1536ra arte beneditar monasterioa izan zen.

Bere inguruko marearteko eremua erreserba natural izendatu zuten eta baita Ramsarko hitzarmenaz babestutako toki ere. Horri esker, XX. mendean turismo-gune bilakatu zen.