Indo-ariar hizkuntzak

Indo-ariar hizkuntzak
Indo-ariar hizkuntza nagusiak.
Datu orokorrak
Lurralde eremua	Hegoaldeko Asia
Hizkuntza sailkapena
giza hizkuntza indoeuropar hizkuntzak Indo-irandar hizkuntzak
Hizkuntza kodeak
ISO 639-2	inc
Glottolog	indo1321
ASCL	52
Linguist List	inda
IETF	inc

Indo-ariar hizkuntzak hizkuntza azpitalde bat da, indoeuropar hizkuntzen indoirandar taldekoak. Indiako azpikontinentean mintzatzen dira.

Indoariar hizkuntzen aztarnarik zaharrenak sanskritoz idatzitakoak dira (K.a. 1.500. urtekoak). Sanskritotik edo sanskritoarekin zerikusia zuten dialektoetatik sortu ziren indoariar hizkuntza batzuk. Gaur egun hizkuntza indoariarrak bost talde nagusitan biltzen dira: ekialdeko taldea (assamera, bengalera eta oriya hizkuntza); ipar-mendebalekoa (punjabiera, lahnda, sindhia, paharia eta dardikoa); mendebalekoa eta hego-mendebalekoa (gujaratera, marathera, konkanera, maldivera, Sri Lanka-ko sinhalera). Erdialdeko taldea hindiaren dialektoek osatzen dute: hindia (Indiako hizkuntza nazionala), urdua (Pakistango hizkuntza ofiziala). Batzuetan hizkuntza dardikoak indoariar hizkuntzen artean sartzen dira.

Talde nagusiak:

• Kafiri edo nuristani taldea batzuetan indo-ariar multzoan sailkatzen da, eta beste batzuetan indoirandar hizkuntzen artean; Kabul eta Chitral (iparraldeko Pakistan) artean dago.

• Iparraldekoak: Pahariera, Nepalera
• Iparmendabalekoak: Mendebaleko panjabiera, Lahnda, Sindhera
• Dardikoak: Kaxmirera
• Erdikoak: Hindi/Urdu, Punjabera, Rajastanera, Gujaratera, Erromaniera
• Magadha edo Ekialdekoak: Assamera, Bengalera, Oriya

• Hegoaldekoak: Marathera, Konkanera
  • Uharteetakoak: Zingalera, Divehi edo maldivera

Antzinako hizkuntzak (ama hizkuntzak):

• Sanskritoa (klasikoa) eta prakritoa (arrunta)