Europa plaza (Donostia)

Europa plaza
Ibaeta, Berio eta Benta Berri, Donostia
N-Ieko 463 km-aren mugarria Europa plazan
Herrialdea Lurraldea	Euskal Herria  Gipuzkoa
Europa plaza Europa plaza Europa plaza
Koordenatuak:	43°18′31.25″N 02°00′35.75″W / 43.3086806°N 2.0099306°W / 43.3086806; -2.0099306

Europa plaza, hizkera herrikoian Ibaetako biribilgunea deitua, Gipuzkoako Donostia hiriburuan dagoen plaza bat da. Ibaeta auzoa, eta Berio eta Benta Berri auzuneen artean dago, Ibaetako campusaren alboan. Bertatik Tolosa hiribidea igarotzen da.

Europa Plazako biribilgunearen proiektua, Donostiako udaleko proiektuetako udal zerbitzuak, aurrez Andres Nagel-ek sortua zuen eskultura biribilgune berrian kokatzearen beharretik abiatu zen. Honen helburua zen eskulturaren ezaugarri espazialak ulertzea, eta honen araberako espazio bat sortzea. Eskultura brontzezkoa da, 5 metroko altuera du eta 3 hankako animali bat da, bere gainean pinoa egiten ari den emakume batekin. Xavier Mariscal izan zuen Andres Nagelek irakasle bere diseinuak sortzeko prozesuan. Egiten dituen objektu guztiei bizitza ematen die, ingurune oso bat sortuz famili eta lagunez beterik, hau da, ekosistema guzti bat sortzen dio bere diseinuko objektuari.

Ekologiaren ulermenaren egokitzapen honek, baita umoreak ere,  gidatu zuen artista biribilgune honetako proposamena sortzeko, eskulturari ekosistema propio bat sortzeko beharretik.

Biribilgunearen egitasmoak zenbait auzokoren kritikak ere eragin zituen.^[1]

Europa Plaza oso erabilia den biribilgunea da eta eguneko edozein ordutan ibilgailuz betea egoten da. Honen ondorioz edozein motatako ibilgailuak ibiltzen dira: kotxeak, motorrak, autobusak... Hain erabilia den biribilgune honetan nahiko ohikoa izaten da istripuak egotea seinalizazioa nahiko kaxkarra baita, eta irteera asko dituelako baita ere. Garraioak oso maiz pasatzen dira, autobusak batez ere. Gainera biribilgunearen errepidearen ondoan bide-gorri bat dago bizikleta elektrikoen estazio batekin.

Autobusei dagokienez biribilgune inguruan hainbat geltoki daude eta bakoitzak autobus bat baino gehiago hartzeko aukera ematen du.

-Unibertsitatea Elhuyar geltokia: 25, 33, 40, B1 zenbakia duten autobusak har daitezke bertan.

-Unibertsitatea Tol.70 I-ko geltokia: 5, 25, 45 zenbakia duten autobusak har daitezke bertan.

-Elhuyar plaza geltokian: 33, 35, 40 zenbakia duten autobusak har daitezke bertan.

-Biribilgune honetatik Donostiako Klasikoa pasatzen da abuztuan^[2][3].

-Biribilgune honetatik, Donostian egiten den maratoia, maratoi erdia eta 15 kilometroko lasterketa pasatzen dira^[4][5].

Europa plazaren inguruan eraikin eta leku interesgarriak:

• Andres Nagelen "Izenbururik gabe", biribilgunearen erdian.
• Ibaetako campusa.
• Carlos Santamaria zentroa.
• Donostiako Eskola Politeknikoa.
• Musikene.

• 
  Plazaren erdian Andres Nagelen eskultura dago.
• 
  Europa plaza gauez.
• 
  Ibaetako campusa.
• 
  Carlos Santamaria zentroa.
• 
  Musikene.

• Tolosa hiribidea
• Elias Salaberria kalea
• Berio pasealekua

Euskarazko Wikipedian bada atari bat, gai hau duena: Donostia