Erreakzio bitarteko

Erreakzio bitartekoa da erreakzio baten tarteko urratsetan eratzen den entitate edo espeziea. Erreaktiboetatik azken produktuetara daraman erreakziobidean sortzen diren entitate ezegonkorrak dira^[1].

Erreakzio kimiko gehienek etapa bat baino gehiago izaten dituzte eta urrats horietako bakoitzean sortzen diren espezieak eta hurrengo batean kontsumitzen direnak dira erreakzio-bitartekoak.

Etsenplurako eman dezagun erreakzio hipotetiko hau:

A + 2B → C + D + E

bere erreakziobidea hauxe da:

A + B → C + X

X → D + Y

B + Y → E

X eta Y erreakzio-bitartekoak dira.

Erreakzio-bitartekoek oso bizitza laburra izaten duten eta oso kasu gutxitan isolatzen dira. Normalean N₂O₂, NO₃ edo H₂I bezalako molekula ez-ohizkoak izaten dira edo I bezalako atomo askeak. Beste askotan erradikal askeak, karbokatioiak edo karbanioiak izan daitezke^[2].

• 
  Metilo erradikala
• 
  Karbenoa
• 
  Metilo kabokatioia
• 
  Karbanioia
• 
  Karbinoa