Malamo

^{NOTO: Krom en la referencitaj citaĵoj, la tradukoj inkluditaj en tiu ĉi sekcio estas propraj de la vikicitaristo, kiu aldonis ilin.}

	« Malamo de la homo ĉiam koncentriĝas je tio, kio kondukas al lia konscio liajn malbonajn trajtojn. » — Carl Gustav Jung, Psikologiaj tipoj

	« Kiam ni malamas homon, ni malamas ion en lia aspekto, kiu kuŝas en ni mem. Kio ne troviĝas en ni mem, tio ne incitas nin. » — Hermann Hesse, Demian

	« Estu zorgema pri tiu kiun aliuloj postulas ke vi malamu, povus esti iu kiun vi amas! »   « Ten cuidado con aquél a quien otros te dicen que debes odiar, ¡puede ser alguien a quien amas! » — Mar Cardenas Loutzenhiser, Demian

	« Estas malfeliĉe vidi tiujn, kiuj kredas sin revoluciemuloj, liberigi sian malamon al la anarkiisto. » — Petro Kropotkin

« Eble ni neniam elradikigos rasismon kaj seksismon kaj malamon. Sed ni ja batalos kontraŭ ili. Kaj ne aŭskultu iun ajn, kiu diras al vi, ke muziko kaj danco kaj arto kaj seksumo kaj ĝojo estas distroj de la batalo. Ili estas partoj de la batalo. »   « We may never eradicate racism and sexism and hatred. But fight it we will. And don't listen to anyone who tells you that music and dance and art and sex and joy are a distraction from the fight. They are a part of the fight. » — Dan Savage

	« Se vi daŭre malamas, vi eniras en la saman filozofion, kiu komencis la militon. Vi devas vidi antaŭen al la personoj kaj la novaj tempoj. »   « (angle) If you continue to hate, you are entering into the same philosophy that began the war. You have to look forward at people and new times. » — Roman Polański

	« Mi ne povas longe malami. Tio ne indas. »   « (angle) I can't hate for long. It isn't worth it. » — William Saroyan

	« Ne cedu al malamo. Tio kondukas al la Malluma Flanko. »   « (angle) Don't give in to hate. That leads to the Dark Side. » — George Lucas, Stelaj Militoj: Epizodo 5-a - La Imperio kontraŭatakas

	« Malamo ne ĉesas per malamo, sed nur per amo. Jen la eterna regulo. » — Budho Gotamo

	« Ni eble batalos kontraŭ tio, kio estas malbone, sed se ni lasas nin malami, tio estas certigi nian spiritan malvenkon kaj nian similecon al tio, kion ni malamas. » — George William Russell

	« Mi permesos al neniu homo limigi kaj degradi mian animon farante min malami lin. »   « (angle) I will permit no man to narrow and degrade my soul by making me hate him. » — Booker T. Washington

« Mi miskomprenas la usonan popolon, se ili favoras la malamindan doktrinon, ke ne ekzistas internacia moralo; ke ekzistas unu leĝo por forta nacio kaj alia por malforta, kaj ke eĉ per malrespekto forta potenco senpune povas elrabi malfortulon de sia teritorio. »   « (angle) I mistake the American people if they favor the odious doctrine that there is no such thing as international morality; that there is one law for a strong nation and another for a weak one, and that even by indirection a strong power may with impunity despoil a weak one of its territory. » — Grover Cleveland

	« Mi ne scias, kial vi pensas, soldato, ke mi malamas vin, se ni estas la sama afero, mi, vi. »   « (hispane) No sé por qué piensas tú, soldado, que te odio yo, si somos la misma cosa, yo, tú. » — Nicolás Guillén

	« Vivo sur la Tero estas ĝismorta batalo... inter la leĝo de amo kaj la leĝo de malamo. » — José Martí

	« Estas pli bone esti malamata pro tio, kio vi estas, ol amata pro tio, kio vi ne estas. » — André Gide

	« Malamo tute venkita de amo transiras en amon. » — Baruĥ Spinozo

	« Ni havas sufiĉe da religio nur por igi nin malami, sed ne sufiĉe por igi nin ami unu la alian. »   « (angle) We have just enough religion to make us hate, but not enough to make us love one another. » — Jonathan Swift

« La mondo rapide lernas, ke el ĉiuj formoj de sklaveco ekzistas neniu tiel damaĝa kaj degradanta kiel tiu formo de sklaveco, kiu tentas unu homon malami alian pro rasa aŭ kolora kialo. Unu viro ne povas teni alian viron malsupre en la foso sen resti malsupre en la foso kun li. »   « (angle) The world is fast learning that of all forms of slavery there is none that is so harmful and degrading as that form of slavery which tempts one human being to hate another by reason of his race or color. One man cannot hold another man down in the ditch without remaining down in the ditch with him. » — Booker T. Washington

	« Mi permesos al neniu homo limigi kaj degradi mian animon farante min malami lin. »   « (angle) I will permit no man to narrow and degrade my soul by making me hate him. » — Booker T. Washington

• Malamikeco
• Amo