Warner

La firmao Warner, oficiale anglalingve Warner Bros. Entertainment Inc. (inter fakuloj kutime nomata Warner Bros. Pictures kaj ofte mallongigata Warner Bros. aŭ Warner Brothers, aŭ tute mallonge WB) estas usona kinkorporacio, do produkta firmao de kinejaj filmoj, posedanto de filmstudioj, kaj distribuanto de kinejaj filmoj. Temas pri parto de la konzerno Time Warner. La centra oficejo estas en Burbank (Kalifornio). La firmao estas unu el la ses plej grandaj filmstudioj de Usono.