Werder (Havel)

Werder [VERda] estas urba komunumo en Germanio. Ĝi troviĝas en la distrikto Potsdam-Mittelmark de la federacia lando Brandenburgio. Fine de decembro 2022 la komunumo havis 27 039 loĝantojn. Werder situas borde de la riveroj Havel.

Werder
DEC
urba komunumo de Germanio • feriurbo
Ĝemelurboj Oppenheim • Hjørring • Almdorf • Tczew • Muan County • Biržai vd
Administrado
Federacia lando	Brandenburgio
Distrikto	Distrikto Potsdam-Mittelmark
Urborajtoj	Urbo (Stadt)
Telefona antaŭkodo	03327
Poŝtkodo	14542
Aŭtomobila kodo	PM
Oficiala Municipokodo	12069656
Subdivido	8 komunumopartoj (Ortsteile)
Politiko
Komunumestro	Werner Große
Partio de komunumestro	CDU
Adreso de la administrejo	Eisenbahnstraße 13-14
Demografio
Loĝantaro	27039 (stato 2022-12-31) [fonto: landa statistika oficejo]
Geografio
Geografia situo	52° 23′ N, 12° 56′ O (mapo)52.37805555555612.935Koordinatoj: 52° 23′ N, 12° 56′ O (mapo)
Alto super la marnivelo	31 m
Areo	115,99 km²
Oficiala retejo	https://www.werder-havel.de/
v • d • r

La plej malnova parto de la urbo troviĝas sur insulo en la lago Zernsee kaj la regiono estas fama pro la produktado de legomoj, fruktoj kaj specialaj fruktovinoj. La plej granda evento estas ĉiujare la "Baumblütenfest" kun centmiloj da vizitantoj. Oni festas la ekfloron de la fruktarboj, kiuj dominas la tutan regionon. Fine de la 20-a jarcento aldoniĝis la produktado de keĉapo kaj konservitaj kukumoj.

• urbocentro
• 
  birdopanoramo: La plej malnova parto de la urbo troviĝas sur insulo en la lago "Zernsee" (somero 2006)
• 
  floranta arbo urbokerne
• 
  la preĝejo de la Sankta Spirito kaj la pivota ventmuelejo ĉe la rivero Havel
• 
  brika muzeo en la parto Glindow
• 
  kastela parko en la parto Petzow, fone la lago Schwielowsee
• 
  malnova urbodomo
• 
  domo Lendelhaus

La berlina aŭtoro Theodor Fontane verkis ĉapitron pri la situacio en Werder fine de la 19-a jarcento en sia "migradoj tra la Mark Brandburg". Tie li priskribis kiel la kamparanoj de Werder per primitivaj velboatoj transportadis sian rikolton sur la rivero Havel en la centron de Berlino, kie ili kutimis vendi rekte el la boatoj.

En tiu urbo ekde la jaro 1910 loĝis kaj posedis imponan vilaon "Villa Schönheit" (vilao beleco) la germana poeto Karl Vanselow, kiu verkis en la germana kaj en Esperanto, kaj ĉirkaŭ la domo estis grandega ĝardeno ĝis la bordo de la lago "Zernsee". Tio estis la fama "ĝardeno de la beleco" kun arboj kaj arbustoj, kie Vanselow kaj liaj amikoj kutimis foti la belecon de la nuda homa korpo. Kelkaj fotoj en lia plej konata produkto, la monata revuo "Die Schönheit" havas indikon, ke ili tie ekestis.