KuboF Hromoslav

Laŭ Uzkondiĉoj mi informas, ke mi estis kaj estas en konflikto de interesoj pro mia laborado (ĉu volontula, ĉu pagata) en diversaj organizoj kaj projektoj.

Al la organizoj apartenas:

• E@I, kie parto de mia pagata laboro estis informado pri ties projektoj en Vikipedioj (Marto 2015 ĝis Septembro 2015), krome, mi antaŭe estis kaj plu estas volontula (nepagata) aktivulo de tiu organizo;
• Tutmonda Esperantista Junulara Organizo (TEJO), kiel iama Komitatano A (por EUROKKA kaj SKEJ), iama TEJO-volontulo (Januaro 2016 ĝis Januaro 2017), iama oficisto (Marto 2017 ĝis Oktobro 2017) kaj nuntempa foja (nepagata) aktivulo;
• Esperanto kaj Libera Scio (ELiSo), kiel kunfondinto (2013) kaj volontula gvidanto;
• Vikimedio Slovakio, kiel kunfondinto (2011) kaj ekde tiam prezidanto;
• Slovakia Esperanta Federacio (SKEF), kiel iama vicprezidanto (2013 ĝis Januaro 2017), ekde Januaro ĝis Marto 2016 taskigita pri gvidado de la organizo, poste mi estis reelektita vicprezidanto sed Januare 2017 demisiis;
• Slovakia Esperanta Junularo (SKEJ), kiel iama simpla estrarano (2008 ĝis 2012), prezidanto (2012 ĝis 2014) kaj kie mi plue foje aktivas.

Al projekto kaj eventoj apartenas:

• UK 2016, kie mi estis LKK-ano pri kultura programo.

Samtempe mi deklaras, ke dum verkado mi klopodas laŭi ĉiujn principojn de Vikipedio kaj libera edukado kaj mi penas pri plejeble granda neŭtraleco, enciklopedia stilo, citado de duagradaj fontoj kaj mi kontrolas menciindecon. En okazo de problemoj pri miaj redaktoj, bonvolu mesaĝu min en mia diskuto kaj sciigu min pri ili!

La 22-an de Aŭgusto 2012 mi petis robotan statuson por Uzanto:KuBOT. Mi ĝin ricevis la 14-an de Septembro 2012 kaj ekde tiam mi ĝin estras. Mi preferas laborojn priskribitajn en la uzanto-paĝo tamen aliajn utilaĵojn mi ne kontraŭas. Se vi havas interesan proponon por utila laboro, skribu ĝin en mian diskuton. Mi rulas la roboton ankaŭ en kelkaj aliaj projektoj, se vi ion ekster Vikipedio, demandu min.

Ekde la 3-a de Majo 2014 mia roboto estas administranto. Tio signifas, ke mi povas amase forigadi aŭ restarigadi paĝojn kaj redakti protektitajn paĝojn.

Ekde 20-a Decembro 2012 mi estas administranto de Esperanta Vikicitaro kaj Esperantaj Vikilibroj. La 18-a de Februaro 2013 mi estis elektita administranto ankaŭ ĉi tie, en la Esperanta Vikipedio (dum iom flama voĉdonado...). Mia precipa administra laboro estas forigado de maltaŭgaĵoj kaj plibonigado de interfaco.

La slogano „administranto pri kiu neniu plendas, ŝajne ne faras sian laboron” por mi fruktodonis kaj jam estis proponita mia eksadministrantigo - kompreneble, de Pejno Simono   Nu, mi ja restis administranto.

Nuntempe mi estas signife malpli aktiva en tiu ĉi kampo ol antaŭe.

 

Mi estas lupo, gardlupo de Vikipedio! Mi gardas ĝian bonan lingvan nivelon, enhavan kaj aspektan stilojn, fidindecon kaj ofte ankaŭ uzeblecon. Lastatempe mi ne kontribuas multe al artikoloj sed prefere mi prizorgas stilajn gvidilojn, helpajn paĝojn kaj ŝablonojn (precipe per Vikidatumoj). Mi ŝatas amasan redaktadon, sekve ankaŭ robotojn. Mi ŝatas ŝablonojn kaj specife metaŝablonojn.

Mi precipe klopodas faradi teĥnikan laboron, kiu al aliuloj ŝparos multan tempon. Tia laboro kostas al mi multan energion, precipe pro tio mi ne plu multe aldonas al artikoloj.

Mi agadas pri diversaj aferoj ekster Vikipedio sed ankaŭ pri la Vikimedia movado. Jen estas kelkaj el ili

Ekde komenco de diskutado mi estas envolviĝinta en laborgrupo Esperanto kaj Libera Scio. Post kiam ĝi estis aprobita kiel oficiala Vikimedia Uzanto-grupo mi iĝis unu el tri oficialaj kunfondintoj. Poste mi gvidis transformon de la grupo al oficiala organizo.

Fine de la jaro 2011 mi kunfondis la organizaĵon Vikimedio Slovakio kaj ekde Marto 2012 ĝis fino de 2018 mi estis ĝia prezidanto. Nuntempe mi precipe helpas al la organizo pri reakiro de fidindeco.

Mi nuntempe laboras por E@I. Por E@I mi volontulis dum jaroj pri lernu! (tradukado, vortarkreado), helpado pri juraj aferoj, dum renkontiĝoj (muzika programo por SES, helpado dum KAEST) ktp.