Terra Botanica
Terra Botanica estas amuzparko norde de la urbo Angers (Francio), kun temoj rilataj al vegetaloj, biodiverseco kaj utiligado de la plantoj. Malfermo okazis la 10-an de aprilo 2010.
| Terra Botanica | |||
|---|---|---|---|
  | |||
| botanika ĝardeno, tema parko [+] | |||
| Lando | Francio | ||
| Regiono | Maine-et-Loire | ||
| Situo | Angers | ||
| - koordinatoj | 47° 30′ 4″ N, 0° 34′ 12″ U (mapo)47.5011-0.56999999999999Koordinatoj: 47° 30′ 4″ N, 0° 34′ 12″ U (mapo) [+] | ||
| Malfermo | 10-a de aprilo 2010 | ||
|
|||
 |
|||
| Terra Botanica | |||
 Vikimedia Komunejo: Terra Botanica [+] |
|||
| En TTT: Oficiala retejo [+] | |||
Grandeco de la parko estos 17 hektaroj[1] : 60000 kvadrataj metroj de ĝardenoj kaj 25000 da akvo-spacoj.
Historio
redaktiLa unua nomo de la parko Terra Botanica estis Parc du végétal. Anoncon de la definitiva nomo faris Christophe Béchu, prezidanto de la Ĝenerala Konsilio de la departemento Maine-et-Loire dum la inaŭguro de la 21-a foiro pri Vegetaloj okazinta en Angers de la 22-a ĝis la 24-a de februaro 2006.[2].
La 4-an de oktobro 2009, 10804 homoj antaŭ-premiere malkovris la parkon dum malferma tago al la laborejo, kaj la 4-an de aprilo 2010 la parko estis inaŭgurita kun ĉeesto de politikuloj kaj publiko (inter 4000 kaj 5000 homoj).
Situo
redaktiLa parko situas en la franca departemento Maine-et-Loire, ĉe la limo de la komunumoj de Angers kaj Avrillé, sur parto de la eks-flughaveno de Angers-Avrillé.
Ĝi estos rekte alirebla el aŭtovojo A11 (elirejo n°16)[3]. Ekde junio 2011, tramo ligos ĝin al la trajnstacio de Angers.
La parko
redaktiLa frapfrazo de la parko kunligas la temon al la geografia situo : « Vivez en Anjou la grande aventure du végétal » (Vivu en Anjou la grandan aventuron de vegetaloj)[4]
Sur 11 hektaroj, al la vizitantoj la parko proponos ĉirkaŭ 40 allogaĵojn kaj amuzaĵojn diskonstruitajn ene de kvar grandaj temspacoj nomitaj "universoj"[5] :
- la Vegetalo Avidata (kun granda tropika forcejo)
- la Vegetalo Malavara
- la Vegetalo Mistera
- la Vegetalo Malsovaĝigita
Krom tiuj kvar spacoj, estos ankaŭ la "koro", kie situos la akceptejo (kun biletejo kaj vendejo de memoraĵoj), la reklamejo pri Anjou-regiono kaj du restoracioj.
Ĉef-allogaĵoj
redakti- La Botanika Odiseo (kina spektaklo, kiu montros la efikojn de oceana traŝipado)[5]
- Iam estis floro (plur-sensa spektaklo)[5]
- Vojaĝo centre de planto (4D-kinospektaklo)[5]
- La granda ekstrem-forcejo (ĝi montros vojaĝon tra kvar ekstremaj klimatoj, kio helpos memorigi, ke vivo adaptiĝas en tre diversaj kondiĉoj)[5]
- La Anjou-floradoj (boat-promenadoj)
- La gapvagado de la pintoj (surrela altpromenado, en nukso-ŝelegoj, tra la branĉoj de la arboj)[5]
Jara aktivado
redaktiAtendataj jare estas 400 000 vizitantoj, kun ekonomiaj konsekvencoj en la transportoj, restoraciaj servoj kaj turismo de la regiono. Celo estas, ke la parko iĝu motoro de la Anjou-turismo kaj ĉefa centro al la aliaj turismejoj de la departemento Maine-et-Loire.
Oni celas farigi la parkon ankaŭ montrofenestro de la regiona aktivaĵaro pri plantoj en Anjou. Tiucele la parko disponos grandan aferistan centron kun 350-kvadratmetra ekspoziciejo , 325-loka amfiteatro kaj 4 alĝustigeblaj ĉambroj.
En la parko laboros jare ĉirkaŭ kvindek dungitoj (por la ĉiutaga prizorgado de la plantoj) kaj ĉirkaŭ sesdek dungitoj dum la malferm-sezono, tio estas dum la florad-periodoj (de printempo ĝis aŭtuno, kun antaŭvidita pintsezono de majo al septembro).
Eksteraj ligiloj
redakti- france http://www.terrabotanica.fr Oficiala retejo
Vidu ankaŭ
redakti- Camifolia (botanika ĝardeno en samdepartementa urbo Chemillé)
- Parc oriental de Maulévrier (en Eŭropo la plej granda japana ĝardeno, en la parko de la kastelo de samdepartementa urbo Maulévrier)
Notoj
redakti- ↑ (france) http://www.angers.villactu.fr/terra-botanica-f7605-c012.html Arkivigite je 2010-02-04 per la retarkivo Wayback Machine (konsultita je 2010-04-05)
- ↑ france http://www.fldhebdo.fr/reagir-sur-le-21e-salon-du-vegetal-a-angers-marque-les-tendances-du-marche-com1488-5.html[rompita ligilo] (konsultita je 2010-04-05)
- ↑ france http://www.terrabotanica.fr/parc-attraction-theme-vegetal-informations-pratiques/acceder-au-parc[rompita ligilo] (konsultita je 2010-04-05)
- ↑ http://www.terrabotanica.fr (titolo de la paĝo, konsultita je 2010-04-05)
- ↑ 5,0 5,1 5,2 5,3 5,4 5,5 france (PDF) Gazetara dosiero Arkivigite je 2010-03-13 per la retarkivo Wayback Machine
Ĉi tiu paĝo estis originale verkita el la franca versio.