Respubliko Krimeo

	Respubliko Krimeo
	ruse Республика Крым, ukraine Республіка Крим, krime-tatare Qırım Cumhuriyeti
	respubliko
	La kasteleto "Hirunda nesto" - neoficiala emblemo de Krimeo
Flago de Krimeo	Blazono
	Oficiala nomo: Республика Крым
	Deveno de nomo: El tjurka qırım ("nia monteto")
Lando	Rusio
Historiaj regionoj	5
Montaro	Krimea montaro
Najbaras kun	4
Antikvaj urboj	Ĥersoneso, Skita Napolo
Grandaj urboj	5
Ĉefurbo	Simferopolo
Areo	26 081 km² (2 608 100 ha)
Loĝantaro	1 973 185 (2007)
Denseco	75,66 loĝ./km²
Fondita	18-a de marto 2014
Ĉefministro	Sergeo Aksjonov
Parlamentestro	Vladimiro Konstantinov
Horzono	MSK (UTC+4)
Telefona prefikso	+380 65
AKU	AK
Himno	Himno de Krimeo
	Respubliko Krimeo (verde) sur la mapo de la Krimea duoninsulo Respubliko Krimeo (verde) sur la mapo de la Krimea duoninsulo
	Vikimedia Komunejo: Crimea
	Retpaĝo: www.rk.gov.ru
	Devizo: «Процветание в единстве» - «Prospero en unueco»

Respubliko Krimeo (ruse Республика Крым, ukraine Республіка Крим, krime-tatare Qırım Cumhuriyeti) estas federacia regno (respubliko) de Rusio situanta sur la pridisputata Krimea Duoninsulo, kiu estis aneksita de Rusio de Ukrainio en 2014, sed estas ankoraŭ internacie agnoskita kiel Aŭtonoma Respubliko Krimeo, parto de Ukrainio. Ĝi okupas ĉefan parton de Krimea duoninsulo (situanta en norda parto de Nigra maro) krom ĝia sudokcidenta parto okupata de Sebastopola municipo. Areo de la respubliko estas preskaŭ 26,2 mil km. La loĝantaro estas 2352581 homoj (laŭ informo de jaro 2013). La ĉefurbo de Krimeo estas urbo Simferopolo. Foje oni nomas la respublikon simple Krimeo, kvankam tio ne estas tute ĝusta.

Ukrainio kaj plimulto de internacia komunumo trovis la anekson kontraŭleĝa kaj konsideras ĝin parto de Ukrainio kiel Aŭtonoma Respubliko Krimeo^[1].

Deveno de la nomo

Deveno de vorto Krimeo estas diskutata. Laŭ plej ofte citata versio ĝi devenas de nomo Qırım (malnova nomo por nuna urbo Starokrimo, iama ĉefurbo de Krimea provinco de Ora Hordo, tradukebla kiel "mia monteto").

Laŭ aliaj supozoj ĝi devenas de iu tjurka vorto signifanta remparo aŭ kavo aŭ simple tero. Iuj opinias nomon Krimeo rilata al helena κρημνός (kruta loko, ankaŭ nomo de iu teritorio en Skitujo), tamen tiu supozo ne estas tre verŝajna. Malnova nomo de Krimeo — Taŭrido (latine Taurica, helene Ταυρική) — devenas de nomo de antikva Krimea tribo.

Historio

Antaŭhistorio

Pli detalaj informoj troveblas en artikolo Krimeo.

Respubliko Krimeo kiel parto de Rusio

La "nekonataj soldatoj" sen insignoj, t.e. rusiaj elit-trupanoj antaŭ la Krimea Parlamento en Simferopolo, la 1-an de marto 2014

Post revolucio en Ukrainio en 2014 Krimea parlamento decidis fari referendumon pri pliaŭtonomigo de Aŭtonoma Respubliko Krimeo 16-an de marto 2014 por konfirmi aliĝon de Krimeo al Rusio.^[2] Rilate al rezultoj de la referendumo 17-an de marto Krimea parlamento deklaris Respublikon Krimeo kaj petis Rusion por aliĝi. Dum sama tago prezidanto de Rusio Vladimir Putin agnoskis sendependencon de Respubliko Krimeo.^[3] 18-an de marto 2014 Vladimir Putin, krimea ĉefministro Sergej Aksjonov, urbestro de Sebastopolo Aleksej Ĉalij kaj prezidanto de krimea parlamento Vladimir Konstantinov subskribis konsenton pri aliĝo de Krimeo al Rusio^[4]. 21-an de marto 2014 Vladimir Putin subskribis la leĝon pri ratifiko de la interkonsento laŭ kiu Krimeo kaj Sebastopolo aliĝas al Rusio.

Politika strukturo

Krimeo estas parlamenta respubliko. Leĝodona povo apartenas al 100-kapa parlamento, Ŝtata Konsilio de Krimeo (ruse - Государственный Совет Крыма, Gosudarstvennyj Sovet Kryma). La ekzekutivo^{[Kontrolenda lingvaĵo]} apartenas al kabineto de ministroj estrata de premiero. La premiero estas elektata fare de la parlamento. La ministroj estas enpostenigataj fare de Konsilio laŭ proponoj de premiero.

Administra divido

Pli detalaj informoj troveblas en artikolo Aŭtonoma Respubliko Krimeo.

La plej grandaj aŭ famaj urboj kaj loĝlokoj de Krimeo
Alupko \| Aluŝto \| Armjansko \| Balaklavo \| Baĥĉisarajo \| Belogorsko \| Ĉernomorsko \| Gaspro \| Gurzufo \| Ĝankojo \| Eŭpatorio \| Foroso \| Inkermano \| Jalto \| Kaĉo \| Kerĉo \| Koktebelo \| Koreizo \| Kirovsko \| Krasnoperekopsko \| Lenino \| Livadio \| Masandro \| Nikito \| Novosveto \| Partenito \| Sako \| Sebastopolo \| Simeizo \| Simferopolo \| Sovetsko \| Starokrimo \| Sudako \| Teodozio

Geografio

Pli detalaj informoj troveblas en artikolo Aŭtonoma Respubliko Krimeo.

Ekonomio

Pli detalaj informoj troveblas en artikolo Aŭtonoma Respubliko Krimeo.

Loĝantaro

Pli detalaj informoj troveblas en artikolo Aŭtonoma Respubliko Krimeo.

Sendependa sociologia esploro financita de kanada fondaĵo en januaro 2015 konstatis, ke post paso de pli ol duonjaro ekde la fakta aliĝo al Rusio plejparto de la loĝantoj (82%) daŭre subtenas la aliĝon de la regiono al Rusio^[5]. La pridemanditoj nomis la armitan konflikton en Donbaso la plej zorgiga problemo (42%), ekonomiaj problemoj pro punrimedoj kontraŭ Rusio kaj speciale kontraŭ Krimeo^[6] zorgigas 40%.