Prefekto (Francio)

La ofico de prefekto kaj subprefekto estis kreitaj de Napoleono Bonaparte, tiam unua konsulo, la 17-an de februaro 1800, per la "leĝo de la 28-a de pluviozo jaro 8".

De 1945, prefektoj kaj subprefektoj estas inter la postenoj kies kutima aliro estas tra la Nacia Lernejo pri Administrado (ENA).

Prefektoj kaj subprefektoj estas regataj per la statutoj de 1964 ofte modifitaj.

La prefektoj estas plej multe elektitaj el la subprefektoj kaj civilaj administrantoj. Tamen, la registaro povas libere nomumi, sen konsideri ilian antaŭan statuson, ĝis trionon de la prefektoj. Antaŭlonge, plej multaj originis el la promocioj de la Nacia Lernejo pri Administrado (ENA), la ENA-diplomitoj estis en 2009 nur 35 % de la prefektaro, laŭ la gazeto Le Figaro^[2].

La subprefektoj estas elektitaj plejmulte el la civilaj administrantoj.

Prefekto estas nomumita kaj postenigita en teritoria posteno per dekreto subskribita de la prezidanto de la Respubliko, en kunveno de la Konsilio de la Ministroj, kaj laŭ propono de la ĉefministro kaj de la ministro pri internaj aferoj, sed ekzistas ankaŭ « prefektoj eksterkutimaj » nomumitaj maksimume por tri jaroj (kun ebla plilongigo por du pliaj jaroj),

	„ en la limo de sep postenoj, al superaj postenoj kun publikserva komisio dependantaj de la registaro ”

^[3].

La prefektoj estas lokitaj en normala aŭ ekstera klaso^[4].

La « normala klaso » de la prefektoj estis dividita en sep niveloj (kvin en 2014)^[5] kaj la ministro pri enlandaj aferoj (per ministeria edikto), decidas pri la nivelprogreso (kiu estas aŭtomata de la 1-a ĝis la 4-a nivelo, post du jaroj sur iu nivelo ; la progreso al la 5-a nivelo okazas kiam prefekto jam estis dum unu jaro je la 4-a nivelo.

La prefektaro estas aro de supraj ŝtatoficistoj, kies rolo estas obeigi al la leĝoj, al la valoroj de la Respubliko kia estas laikeco por ekzemplo, ili devas resti neŭtralaj. Ili estas malpermesitaj sindikataniĝi aŭ striki. Ili devas, pli ol la aliaj ŝtatoficistoj, garantiantoj de la ŝtata daŭreco kaj aparte de la ŝtataj funkcioj (polico, organizado de helpo…).

  Pli detalaj informoj troveblas en artikolo Subprefekto.

Subprefekto povas esti :

• subprefekto de arondismento
• ĝenerala sekretario aŭ vica ĝenerala sekretario de prefektejo (kaj ĝenerale, samtempe, subprefekto de la arondismento de la ĉefurbo)
• ĝenerala sekretario pri regionaj aferoj
• direktoro de la asistantaro de la prefekto
• komisiita pri urba politiko, ktp.

•  
  Uniformo de prefekto en la 19-a jc.
•  
  Uniformo de prefekto en 1910.
•  
  Uniformoj (en 2014) de prefekto kaj de subprefektino.

• Auguste Laurent de Rémusat, (1762-1823), franca politikisto en la Unua Imperio kaj la Resurtronigo.
• Claude-Philibert Barthelot de Rambuteau (1781-1869), prefekto de la la tiutempa departemento Sejno kaj administranto.
• Georges Eugène Haussmann (1809-1891), prefekto de Sejno.
• Eugène Poubelle (1831-1907), juristo, administranto kaj diplomato, prefekto de Sejno.
• Sadi Carnot (1837-1894), prezidanto de la Franca Respubliko post prefekto de Seine-Inférieure.
• Louis Lépine (1846-1933), advokato kaj politikisto, polica prefekto de Sejno.
• Abraham Schrameck (1867-1948), politikisto.
• Jean Moulin (1899-1943), rezistanto, prefekto de Eure-et-Loir.
• Cherif Mecheri (1902-1990), unua prefekto kun araba-berbera origino.
• Pierre Sudreau (1919-2012), politikisto, plej juna prefekto.
• Yvette Chassagne (1922-2007), unua prefektino, nomumita en 1981.
• Jacques Dewatre (1936-), oficiro, supra ŝtatoficisto kaj diplomato.
• Claude Érignac (1937-1998), prefekto de Korsiko, murdita.
• Claude Guéant (1945-), prefekto, poste politikisto.

• René Bargeton, Dictionnaire biographique des préfets (septembro 1870 - majo 1982), Parizo, Archives nationales, 1994, 555 paĝoj, 26 cm, (ISBN 2-86000-232-4)
• Bernard Leclère kaj Vincent Wright, Les Préfets du second Empire, Armando Colin, 1973, 411 paĝoj

• ACEIP (site de la ACEIP) Arkivigite je 2018-08-09 per la retarkivo Wayback Machine
• ACPHFMI (site de la APCHFMI) Arkivigite je 2007-10-12 per la retarkivo Wayback Machine
• Asocio de la prefektaro kaj supraj ŝtatoficistoj de la ministerio pri enlandaj aferoj, priskribo de la arkivoj konservitaj en la naciaj arkivoj de Francio kun referenco "cote 124 AS".