Nyos
Nyos estas kratera lago en la Nordokcidenta Provinco de Kameruno, situanta je 6° 26′ 16″ N 10° 17′ 56″ O / 6.43778 °N, 10.29889 °O (mapo). Nyos estas profunda lago sur alto de neaktiva vulkano proksime de Monto Oku, en la Kameruna linio de vulkana agado.
| Nyos | ||
|---|---|---|
 Lago Nyos en 1986
| ||
| lago • plurtavola lago • kratera lago | ||
| Speco de la lago | Plurtavola lago | |
| Landoj de la baseno | Kameruno | |
| Datenoj | ||
| Koordinatoj | 6° 26′ 16″ N, 10° 17′ 56″ O (mapo)6.437777777777810.298888888889Koordinatoj: 6° 26′ 16″ N, 10° 17′ 56″ O (mapo) | |
| ||
 Nyos | ||
| Surfaca areo | 1,58 km² | |
| Maksimuma longo | 2,0 km | |
| Maksimuma larĝo | 1,2 km | |
| Averaĝa profundo | 208 m | |
La lago konatiĝis mondvaste per la tragedio de Nyos, kiam en aŭgusto 1986 subite liberiĝis grandega kvanto da karbondioksido (CO2) el la akvo kaj mortigis pli ol 1700 homojn en la apudaj vilaĝoj.
Poŝo de magmo kuŝas sub la lago kaj likas karbona dioksido (CO2) en la akvon. Nyos estas unu el nur tri lagoj en la mondo saturitaj kun karbondioksido (la du aliaj estas Monoun, je distanco de 100 km sudsudoriente, kaj lago Kivu en Ruando). Je la 21-a de aŭgusto 1986, eble post terglito, la lago ellasis grandegan nubon de CO2, kiu sufokis ĉ. 1800 homojn kaj 3500 brutojn en la apuda tereno. Reage sciencistoj proponis, ke oni instalu kvin tubojn por permesi al la gaso daŭre pasi libere al la surfaco, ĝis hodiaŭ nur unu el ili estis konstruita.
Simila akcidento okazis en najbara lago Monoun aŭguste 1984 (37 mortintoj) kaj - prahistorie en eoceno - ĉe la maaro de Messel, riĉa trovejo de fosilioj apud Frankfurto, Germanio.
