Maŭro La Torre
Maŭro LA TORRE (naskiĝis la 11-an de novembro 1946 en Romo, mortis la 26-an de marto 2010 en Romo) estis itala esperantisto.
| Maŭro La Torre | |
|---|---|
 La Torre Mauro en 2008 | |
| Persona informo | |
| Naskiĝo | 11-an de novembro 1946 en Romo,  Itala reĝlando
|
| Morto | 26-an de marto 2010 (63-jaraĝa) en Romo,  Italio
|
| Lingvoj | Esperanto |
| Nacieco | italo |
| Ŝtataneco | Italio 
|
| Okupo | |
| Okupo | esperantisto (1962–)
|
| Esperanto | |
| Akademiano | jes |
Li doktoriĝis pri Matematika lingvistiko en la universitato La Sapienza, en Romo. Li poste iĝis profesoro pri Eksperimenta pedagogio en la Fakultato pri Klerigsciencoj de la Universitato Romo, kie li instruis pri Lernotaksado, Komputik-didaktiko, Teksto-komputado, Interlingvistiko. Apartenante je la Departemento pri Didaktika kaj Eduka Projektado (DIPED), li kunordigis tiean esplorlaboratorion pri Aŭtomata Tekstanalizo (LAAT).
Li verkis plurajn librojn kaj artikolojn, interalie pri analogia lernotaksado, komputik-instruado, aŭtomata tekstanalizo, lernado de Esperanto. Li longe okupiĝis pri Terminologio, ĝenerale kaj aplike en la kampoj de matematiko kaj komputiko (vidu ekzemple Komputekon).
Li estis prezidanto de ILEI, kaj en ĝia kadro, en la jaro 1998, li lanĉis la interlernejan edukprojekton Interkulturo, celantan egalrajtan Interkulturan edukadon. Pro tiu projekto, en 2000, li elektiĝis Esperantisto de la Jaro.
Maŭro La Torre estis membro de la Akademio Internacia de la Sciencoj de Sanmarino kaj – ekde 2007 – de Akademio de Esperanto. Li kontribuis en Vikipedio kiel vikipediisto Laturo.
Premio Mauro La Torre
redaktiEn 2014 la familio La Torre anoncis al ILEI deziron lanĉi Premion honore al Mauro La Torre kaj disdoni ĝin ĉiun duan jaron.
La unua Premio estis anoncita okaze de la 48-a ILEI-Konferenco en Oostende, Belgio, en julio 2015. Ĝi iris al D-ro Davide ASTORI el Italio por lia laboraĵo pri la du tradukoj de la verko Pinokjo de Collodi. Transdono de la Premio okazis en Lillo komence de la Tago de Lernado dum la 100-a UK.
La dua Premio iris al Alessandra Madella en 2018. Ŝi ricevis ĝin en Lisbono dum UK komence de la Tago de Lernado. Ŝia temo estis Pri la instruado de Esperanto ĉe la Artkolegio de Kunming kiel etos-konstruado.
La tria Premio estis asignita al Nitta Takamichi en 2022 pro la eseo "Instrumetodo por Esperanto-kurso bazita sur metakognado kaj aktiva lernado", kiun li elpensis en majo, 2014. Oni raportas ke ĉiuj ĵurianoj de la Premio voĉdonis al Nitta[1]. Transdono de la Premio kaj la prelego de la laŭreato okazis en VEKI-3, la tria virtuala kongreso de ILEI. En la ceremonio ĉeestis ankaŭ la edzino Margherita La Torre kaj la filino kaj denaskulino Laura La Torre.
Referencoj
redaktiEksteraj ligiloj
redakti| Trovu « Maŭro La Torre » inter la Vizaĝoj de homoj rilataj al la ideo «Internacia Lingvo» |
- LAAT – Laboratorio pri Aŭtomata TesktAnalizo Arkivigite je 2016-03-10 per la retarkivo Wayback Machine
- LPS – Laboratorio pri Eksperimenta Pedagogio Arkivigite je 2008-05-10 per la retarkivo Wayback Machine
- LA TORRE Maŭro en la Tria Roma Universitato Arkivigite je 2015-11-04 per la retarkivo Wayback Machine
- Intervjuo en La Ondo de Esperanto Arkivigite je 2007-12-20 per la retarkivo Wayback Machine
- Maŭro : Ipernitiaj paĝoj de Maŭro