La Gomera

La insulo situas proksimume 1000 kilometrojn for de la kontinenta parto de Hispanio. Ĝi havas areon de 369,76 km² - tio estas 4,94 procentaĵoj de la suma areo de ĉiuj kanariaj insuloj. Komence de la jaro 2009 sur la insulo konstante vivis 22 769 loĝantoj^[1]. Tio korespondas al loĝdenso de 60,2 loĝantoj po kvadrata kilometro.

Biogeografie la insulo situas en la ekoregiono de la kanariaj sekaj duonarbaroj kaj arbaroj.

 

La insulanoj vivas plejparte en marbordaj, havenaj loĝlokoj, malplimulte en malgrandaj setlejoj en la pli altaj kaj centraj insulaj valoj, en ses insulaj municipoj. Ekde proksimume la jaro 1100 antaŭ nia erao sur la insulo pace vivis la indiĝena etno de guanĉoj, proksimume 2500 jarojn, ĝis en 1440 hispanaj soldatoj gvide de Hernán Peraza okupis la marbordan golfeton kie poste ekestis la hispana urbeto San Sebastián de La Gomera, la nuna insula ĉefurbo, kaj de tie konkeris la insulon. En la dua duono de la 20-a jarcento la insulo kaj aparte ties plej okcidenta loĝloko Valle Gran Rey iĝis centro de eŭropaj ekologiemuloj, alternativemuloj kaj hipioj, aparte el Germanio, Aŭstrio kaj iom malpli el Anglio. Ankoraŭ nun la insula turismo estas pli ekologia ol en la aliaj insuloj de la Kanarioj, la hoteloj malpli grandaj, kaj multaj feriantoj preferas migri kaj grimpi sur la insulaj montaj padetoj ol sunbruniĝi plaĝe. La altan insulan centron kovras la Nacia Parko Garajonay, insula arbarego de azora laŭro.

 

 

La insulo estas dividata en 6 municipoj kiuj estas la jenaj:

 

 

 

• Silbo

• Cabildo de La Gomera (hispane) Arkivigite je 2007-04-04 per la retarkivo Wayback Machine
• Gomera Insulo turismo Arkivigite je 2020-02-14 per la retarkivo Wayback Machine (angle)
• Akceptejo sur La Gomera (angle) Arkivigite je 2007-11-02 per la retarkivo Wayback Machine
• Instituto Nacional de estadistica de Hispanio (hispane)
• La Gomera y su folklore (hispane) Arkivigite je 2020-11-28 per la retarkivo Wayback Machine
• Algemene informo (nederlande)
• Infos zu La Gomera (germane)
• Tipps und Fotos zu La Gomera (germane) Arkivigite je 2022-03-07 per la retarkivo Wayback Machine
• Reisgids (nederlande)
• Informo kaj piedvojaĝoj (nederlande) Arkivigite je 2006-02-19 per la retarkivo Wayback Machine
• ISTAC (germane)

Ĉi tiu artikolo ankoraŭ estas ĝermo pri Hispanio. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).