Kaljaro

Kaljaro (itale Cagliari, IFA: [ˈkaʎʎari], sarde Casteddu, katalune Càller) estas komunumo de Italio, ĉefurbo de la Metropola urbo Kaljaro, antaŭe de la samnoma provinco Kaljaro (malfondita en 2016) kaj de la aŭtonoma regiono Sardio. Ĝi situas en la suda parto de la insulo kaj estas signifa loĝloko ekde la antikva epoko. Laŭ la stato de 2023 en la komunumo vivis 148 117 loĝantoj sur areo de 86,05 kvadrataj kilometroj, kio rezultigas loĝdenson de 1 721 loĝantoj/km².

Kaljaro · Cagliari · Casteddu · Càller
Fotomontaĵo
komunumo de Italio ĉefurbo urbo Città regie della Sardegna (it) vd
Ĝemelurboj Pizo • Padovo • Bonaero • Kaliningrado vd
Ŝtato	Italio
Regiono	Sardio
Provinco	CA Kaljaro
Geografia situo	39° 13′ N, 9° 7′ O (mapo)39.2166666666679.1166666666667Koordinatoj: 39° 13′ N, 9° 7′ O (mapo)
Alto super marnivelo	4 m [+]
Areo	85,45 km²
Loĝantaro	148 117 (2023)
Loĝdenso	1721 loĝantoj/km²
Subdividaĵoj	Pirri, Poetto kaj Giorgino
Najbaraj komunumoj	Assemini, Capoterra, Elmas, Monserrato, Quartu Sant'Elena, Quartucciu, Selargius kaj Sestu
Patrono	Sankta Saturnino
Festa tago	30-a de oktobro
Nomo de loĝantoj	itale cagliaritani sarde casteddajos
Poŝtkodo	09121–09131
Imposta kodo	B354
Kodo laŭ ISTAT	092009
Telefona prefikso	070
Estro	Paolo Truzzu
Retpaĝo	Oficiala retejo
v • d • r

Kristana patrono estas la sankta Saturnino, kies memortago sekve estas la komunuma festotago. Najbaraj komunumoj estas Assemini, Capoterra, Elmas, Monserrato, Quartu Sant'Elena, Quartucciu, Selargius kaj Sestu, kaj kiel unuopaj subdividaĵoj listiĝas Pirri, Poetto kaj Giorgino.

La urbo Cagliari estas universitata kaj ĉefepiskopa sidejo. Urbo de multjarmila historio, ĝi estas la administra historia centro de la insulo ĉar ĝi estis, sub la nomo de Karalis, la ĉefurbo de la provinco Corsica et Sardinia dum la romia periodo kaj poste la ĉefurbo de la Reĝlando Sardio de 1324 ĝis 1720, kaj tiam de 1798 ĝis 1814. Ĝia haveno estas klasifikita kiel "internacia" pro sia graveco en la itala kaj la internacia scenoj; ĝi malvolvas komercajn, industriajn kaj turismajn funkciojn kaj servojn por pasaĝeroj.

La Universitato de Cagliari aŭ Universitato de Kaljaro (en itala: Università degli Studi di Cagliari) estis fondita en 1606 kaj estas organizita en 11 fakultatoj aŭ altlernejoj.