Jean Metzinger

Jean Metzinger (naskiĝis la  24-an de junio 1883(nun 1883-06-24) en Nanto, mortis la 3-an de novembro 1956 en Parizo) estis franca pentristo.

Jean Metzinger
Persona informo
Naskiĝo	24-an de junio 1883 (1883-06-24) en Nanto
Morto	3-an de novembro 1956 (1956-11-03) (73-jaraĝa) en Parizo
Lingvoj	franca
Ŝtataneco	Francio
Okupo
Okupo	pentristo artokritikisto verkisto gravuristo artoteoriisto poeto ilustristo artisto
Verkoj	Danseuse au café L'Oiseau bleu La Femme au Cheval
v • d • r

Li komencis siajn studojn de pentrado kiam li estis 15-jara. Tiutempe, li proksimiĝis al la laboro de Ingres. Kiam li estis 17-jara li translokiĝis al Parizo, kie li vizitis plurajn akademiojn, forlasante ĉiujn, malkontenta. Li estis influita de la historiaj avangardoj, tiaj kiaj la Punktismo de Seurat kaj la Faŭvismo. En 1910, konatiĝinte kun Picasso kaj Braque li fariĝis kubisma pentristo.

Unu el la verkoj kiuj markis la komencon de lia partopreno en la movado estis Nudo, elmetita en la Aŭtuna Salono de 1910. Krom pentristo, Metzinger ankaŭ estis teoriisto de la movado, kaj eldonis plurajn artikolojn. Plej grave, Du "Cubisme" (Pri "Kubismo"), estis verkita kune kun Gleizes.

Ekde 1918, li inkliniĝis al ia speco de klasikismo, revenante al la originoj de sia formado. Li mortis 73-jaraĝa.