Aŭstrio-Hungario

Aŭstrio-Hungario^[1] aŭ Aŭstrujo-Hungarujo, ankaŭ konata kiel Danuba Monarkio kaj kiel Habsburga Imperio aŭ Habsburga monarkio, estis duopa monarkio en Eŭropo, kiu ekzistis de 1867 ĝis 1918. Ĝi estis federacio el la imperio Aŭstrio kaj la Hungara reĝlando sub komuna monarko.

La en la Regna konsilantaro reprezentitaj reĝlandoj kaj landoj kaj la landoj de la sankta hungara Stefana krono
Origina nomo:
Die im Reichsrat vertretenen Königreiche und Länder und die Länder der heiligen ungarischen Stephanskrone (germane) A birodalmi tanácsban képviselt királyságok és országok és a magyar Szent Korona országai (hungare)
←  1867 – 1918 ↓
historia lando • suverena ŝtato • imperio • real union • lando
Geografio Aŭstrio-Hungario en la jaro 1913
Ĉefurbo:	Vieno
Areo:	676 615 km² (en la jaro 1910)
La plej longa rivero:	Danubo
Loĝantaro
Kvanto de loĝantoj:	51 390 223 (en la jaro 1910)
Nacia konsisto:	germanoj, hungaroj, ĉeĥoj, poloj , rutenoj, rumanoj, kroatoj, slovakoj, serboj, slovenoj, italoj, kaj aliaj
Lingvoj:	germana, hungara, ĉeĥa, pola, rutena, rumana, kroata, slovaka, serba, slovena, itala
Religio:	romkatolika (ŝtata religio)
Ŝtat-strukturo
Ŝtat-strukturo:	monarkio
Monunuo:	guldeno
Estiĝo:	1867 (per Aŭstra-hungara interkonsento)
Pereo:	1918 (per disfalo)
Antaŭaj ŝtatoj: Aŭstra imperio Postsekvaj ŝtatoj: Aŭstrio Hungara Popola Respubliko Unua respubliko de Ĉeĥoslovakio 2-a Pola Respubliko Reĝlando de serboj, kroatoj kaj slovenoj Elstaraj historiaj eventoj Diplomatiaj rilatoj Ukraina Popola Respubliko • Tajvano Ukrainian-Austro-Hungarian relations • rilatoj inter Aŭstrio kaj Tajvano Centraj Potencoj   Partoj Translajtio (Hungara Reĝlando) • Cislajtio vd
v • d • r

Aŭstrio kaj Hungario historie kuniĝis en 1521 per la geedziĝo de princino Ana de Bohemio kaj arkiduko Ferdinando la 1-a, kiu post la abdiko de sia frato Karolo la 5-a iĝis imperiestro de la Sankta Roma Imperio. Post la morto de Ladislao la 2-a, la patro de Ana, Ferdinando iĝis reganto de Hungario kaj Bohemio. Hungario tamen ne iĝis parto de la imperio.

Post la Franca Revolucio Aŭstrio pli koncentriĝis orienten, kaj post la fino de la Sankta Romia Imperio en 1806 ties lasta imperiestro Francisko iĝis aŭstria imperiestro.

Ĉar la hungaraj nobeloj ne sentis sin sufiĉe reprezentataj en la imperia administrado, ili ribelis en 1848 kaj fine atingis la "egaligon" kun la aŭstroj. De 1867 la aŭstria imperiestro estis samtempe hungaria reĝo, kaj la monarkio portis la nomon "k. u. k." (= "kaiserlich und königlich", imperiestra kaj reĝa).