Flughaveno San-Francisko

La Internacia Flughaveno San-Francisko (angle San Francisco International Airport) situas sude de San-Francisko en Kantono San Mateo, okcidente de la Golfo de San-Francisko.

Internacia Flughaveno San-Francisko
internacia flughaveno • flughaveno • aerodromo de komerca trafiko
IATA: SFO ICAO: KSFO
Resuma informo
Lando		Usono
Regiono		Kalifornio
Tipo		Civila flughaveno
Mastrumanto		San Francisco Airport Commission
Apuda urbo		San-Francisko (20 km)
Alteco		4 m
Geografia situo		37° 37′ 8″ N, 122° 22′ 30″ U (mapo)37.618888888889-122.375Koordinatoj: 37° 37′ 8″ N, 122° 22′ 30″ U (mapo)
DEC Situo de Internacia Flughaveno San-Francisko
Internacia Flughaveno San-Francisko
Kurej-angulo		10L/28R; 10R/28L; 1R/19L; 1L/19R
Kurej-longo		3.618; 3.231; 2.636; 2.286 m
Retejo		http://www.flysfo.com/
v • d • r

La flughaveno estas la plej granda de la golfa areo kaj la dua plej uzata en Kalifornio (post tiu de Los-Anĝeleso). En 2006 ĝi havis laŭ la nombro de pasaĝeroj la 13-an lokon en Usono kaj la 23-an monde.

La flughaveno havas propran enirejon al apuda aŭtovojo 101 kaj propran stacion de BART (Bay Area Rapid Transit). Per BART estas facile atingi la stacion Millbrae de fervojo Caltrain.

En la flughaveno ekzistas kvar kurejoj, el kiuj po du estas paralelaj inter si kaj ortaj al la aliaj du. Tiel eblas adapti la uzon al la direkto de la vento. Sed kutime oni uzas alterne po unu el la paralelaj paroj, ĉar uzi du paralelajn kurejojn samtempe ne eblas pro la malgranda distanco de nur 235 metroj. Je forta vento povas okazi, ke nur unu kurejo estas uzebla.