Elektra bluso

Elektra bluso aŭ en angla electric blues referencas al ajna tipo de blusa muziko distingata pere de la uzado de elektraj amplifiloj por muzikaj instrumentoj. La gitaro estis la unua muzikinstrumento kiu estis populare amplifita kaj uzata de la komencaj pioniroj T-Bone Walker en la fino de la 1930-aj jaroj kaj John Lee Hooker kaj Muddy Waters en la 1940-aj jaroj. Ties stiloj disvolviĝis en la Bluso de Okcidenta Marbordo, la Detrojta bluso, kaj la Ĉikaga bluso de post la Dua Mondmilito, kiu diferencis el la pli frua, hegemonie akustika bluso. Ĉirkaŭ la komenco de la 1950-aj jaroj, Little Walter estis grava soloisto per blusa harmoniko aŭ blusa buŝ-harpo uzante malgrandan mantenitan mikrofonon energiita per gitara amplifilo. Kvankam ĝi okazos poste, la elektra basgitaro laŭgrade anstataŭis la kontrabason de la komencaj 1960-aj jaroj. Elektraj organoj kaj ĉefe klavaroj poste iĝis amplekse uzataj en elektra bluso.