Corrèze

Por samtitolaj artikoloj vidu la paĝojn Corrèze (Corrèze) kaj Corrèze (stacidomo).

Corrèze (franca elparolo: [kɔʁɛz], okcitane Corresa [kurezo]) estas unu el la departementoj de la franca regiono Nova Akvitanio. Ĝi estas 5 857 km² granda kaj havis 240 781 loĝantojn en 2013^[1] (la loĝantaro daŭre malkreskas pro izoliteco kaj malriĉeco de la teritorio). La ĉefurbo estas la malgranda urbeto Tulle, aliaj urbetoj estas Brive-la-Gaillarde kaj Ussel. La departemento tute enhavas 285 komunumojn.

Corrèze
departemento de Francio
Administrado
Lando	Francio
Regiono	Nova Akvitanio
Numero	19
Prefektejo	Tulle
Subprefektejoj	Brive-la-Gaillarde Ussel
Statistikaĵoj
Loĝantaro	239 784 (2021)
Areo	5 857 km²
Loĝdenso	41 /km²
Subdividoj
Arondismentoj	3
Kantonoj	19
Komunumaroj	24
Komunumoj	285
v • d • r

Situanta sur altebenaĵoj (Plateau de Millevaches : 978 metrojn alta), la pejzaĝoj de Corrèze karakteriziĝas per arbaroj, multaj riveroj (aparte la rivero Corrèze, kies nomo estis elektita por la departemento) , profundaj valoj.

Bredado ludas grandan rolon, kaj kompreneble la produktado de viando. Kultivadon de tritiko, maizo, fruktoj, legomoj, tabako oni ankaŭ trovas en la malpli altaj partoj de la departemento, kie la klimato tion ebligas.

Iamaj prezidentoj Jacques Chirac kaj François Hollande ambaŭ estis elektitoj de Corrèze.

La naturo kaj loka gastronomio estas la ĉefaj allogaĵoj de la Corrèze por la turistoj.