Bojko Borisov

Bojko Metodiev BORISOV (bulgare Бойко Методиев Борисов; naskiĝis la 13-an de junio 1959 en Bankja proksime de Sofio) estas bulgara politikisto. Li estas membro de la konservativisma politika partio GERB, kiu fine de la jaro 2006 fondiĝis grandparte je lia iniciato. Ekde la 27-a de julio 2009 ĝis marto 2013 li estis la ĉefministro de Bulgario. Li estas edziĝinta al Cvetelina Borislavova, la direktorino de la bulgara SI-banko.

Bojko Borisov
Persona informo
Бойко Борисов (Бате Бойко) Бойко Методиев Борисов
Naskonomo	Бойко Методиев Борисов
Naskiĝo	13-a de junio 1959 en Bankja proksime de Sofio
Religio	ortodoksismo vd
Lingvoj	bulgara vd
Ŝtataneco	Bulgario vd
Alma mater	Academy of the Ministry of Interior, in Sofia (en) vd
Partio	GERB
Subskribo
Familio
Edz(in)o	Cvetelina Borislavova, la direktorino de la bulgara SI-banko
Profesio
Okupo	politikisto futbalisto militisto policisto karateisto oficiro fajroestingisto lektoro vd
Laborkampo	Politikisto vd
Postenoj Postenoj membro de la Bulgaria Nacia Asembleo (2024–) membro de la Bulgaria Nacia Asembleo (2024–2024) membro de la Bulgaria Nacia Asembleo (2023–2024) Ĉefministro de Bulgario (2017–2021) membro de la Bulgaria Nacia Asembleo (2017–2017) Ĉefministro de Bulgario (2014–2017) membro de la Bulgaria Nacia Asembleo (2014–2014) membro de la Bulgaria Nacia Asembleo (2013–2014) Ĉefministro de Bulgario (2009–2013) Mayor of Sofia Capital Municipality (en) (2005–2009) membro de la Bulgaria Nacia Asembleo (2005–2005) vd
Honorigoj Honorigoj (2016)  grandkruco de la Meritordeno de Hungario  Order of the Republic of Montenegro (en)  Ordeno de la Respubliko Serbio vd
En TTT	Oficiala retejo vd
ĉefministro de Bulgario
Dum	2009-2013
Antaŭulo	Sergej Staniŝev
Sekvanto	(Marin Rajkov) aganta
2-a periodo
Dum	2014-2017
Antaŭulo	(Georgi Bliznaŝki) aganta
Sekvanto	(Ognjan Gerdĵikov) aganta
3-a periodo
Dum	2017-2021
Antaŭulo	(Ognjan Gerdĵikov) aganta
Sekvanto	(Stefan Janev) aganta
vd	Fonto: Vikidatumoj
v • d • r

Post la parlamenta baloto de 2009 kaj la venko super la ekskomunistoj de la Bulgara Socialisma Partio (BSP) li diris:

	„ En 1944 ili la 16-an de septembro murdis mian avon kvazaŭ hundon, kaj hodiaŭ mi honorigas lin, ĵetante ilin de la trono. Bulgare: ...1944-та година дядо ми са го убили като куче на 16 септември и днес, когато ги детронирам, го посвещавам на него.. [1] ”

Bojko Borisov naskiĝis en familio de policano kaj mezlerneja instruistino. Li volis studi en la fakultato de ŝtata sekureco kaj provis ekzameniĝi tie en 1977, sed ne estis akceptita pro sia deveno: lia avo estis murdita de komunistoj en 1944. Tiel li finis fakultaton de fajroestingistoj kaj laboris laŭ tiu fako en la Ministerio pri internaj aferoj ĝis 1990. En 1991 li fondis propran privatan gardistan entreprenon, inter ties klientoj estis Todor Ĵivkov kaj la eksa caro Simeono la 2-a.

En la partio de la caro Simeono li eniris la grandan politikon. En 2005 li gajnis la voĉdonon por la posteno de urbestro de Sofia, la ĉefurbo de Bulgario. En 2006 li fondis propran partion „Civitanoj por la eŭropa evoluo de Bulgario“ (GERB). En la parlamentaj elektoj de julio 2009 la partio GERB gajnis plejparton de la lokoj en la landa parlamento. Tiel Bojko Borisov iĝis premiero kaj organizis la novan estraron.

Borisov sportumas. Li estas konata kiel fakulo pri karateo (li okupiĝas pri ĝi ekde 1978), li ankaŭ ludas futbalon en la publikaj ludoj de politikistaj teamoj.