Agadfilmo

Agadfilmo (aŭ agadplena filmo) estas speco de komerca amuzfilmo, en kiu la eventoj kutime okazas depende de spektakle filmitaj batal- kaj perforto-scenoj, kies ĉefa celo estas distri kaj amuzi. La tie prezentita perforto ofte ne estas realisma.

En la filmo plej ofte okazas bataloj, luktoj inter Bono kaj Malbono, kie la bona figuro estas ofte forta vira heroo, kiu reprezentas unuecan moralon (bonulo kontraŭ malbonuloj, protekto de la malfortuloj, justeco por la suferantoj ktp).

Surbaze de tio, aperas en agfilmo ankaŭ elementoj de aliaj parencaj filmotipoj, ekzemple el la aventura filmo, milita filmo, krimfilmo, psiĥo-trilero, hororfilmo aŭ sciencfikcia filmo. Fakte, multaj agfilmoj apartenas ankaŭ al unu aŭ pluraj el la ĵus menciitaj tipoj.