Taytay (Rizalo)

Taytay
municipo de Filipinoj vd
Administrado
Poŝtkodo	1920
En TTT	Oficiala retejo [+]
Demografio
Loĝantaro	386 451  (2020) [+]
Loĝdenso	9 960 loĝ./km²
Geografio
Geografia situo	14° 34′ N, 121° 8′ O (mapo)14.569167121.1325Koordinatoj: 14° 34′ N, 121° 8′ O (mapo) [+]
Alto	50 m [+]
Areo	38,8 km² (3 880 ha) [+]
DEC Situo de Taytay
Alia projekto
Vikimedia Komunejo Taytay, Rizal [+]
v • d • r

Taytay - tagaloge Bayan ng Imus - estas triaklasa (supozeble jam duaklasa) urbego en Filipinoj, en regiono CALABARZON, en provinco Rizalo.

• loĝantaro: 319 104 (2015)
• horzono: UTC+8 (PST)
• poŝtkodoj: 1920
• telefonkodo: +63 (0)2
• Supermara alteco: 70 m
• Areo: 38,80 km²

Taytay kuŝas sur ebenaĵo kaj tre mildaj deklivoj laŭ Laguna de Bay[1]. Angono troviĝas nur 4, Cainta 5, Pasig kaj Antipolo po 7, Kezonurbo 16, ĉefurbo Manilo 19 kilometrojn (aere) [2].

Taytay origine situis en la orienta flanko de Laguna de Bay. En 1578 jezuitoj alvenis, baldaŭ la loko estis centra misia stacio de franciskanoj. En 1579 Taytay estis formale establita kiel vilaĝo, ankaŭ kirko estis konstruita. Johano Baptisto estis ekde tiam la patrono. En la preĝejo la jezuitoj servis inter 1591-1768. Pro la senĉesaj inundoj la vilaĝo estis translokigita al pli alta tereno. La nova loko transprenis ankaŭ la patronon, eĉ la loknomon Taytay. Ekde 1853 ĝi apartenis al distrikto. En 1899 dum la Filipin–usona milito la plej granda parto de Taytay detruiĝis kaj post 2 jaroj ĝi estis parto de la nove kreita provinco Rizalo. Dum la 2-a mondmilito Taytay estis okupita de japanaj fortoj (1942-1945). En la 1980-aj jaroj la komunumo atingis la internacian klasifikon urbego (pli granda ol cent mil da loĝantoj).

Taytay estas konata pro siaj bonkvalitaj pretaj vestaĵoj kaj lignaĵoj (ĉefe mebloj). Ne mankas en la urbo ankaŭ la komerca sektoro. Ekzistas pli ol 7000 komercaj kaj industriaj firmaoj funkciigantaj en la municipo, krome turisma celloko funkcias.

En Taytay vivas katolikoj plejparte kaj du kampusoj funkcias en la urbo.

Taytay havas trairan aŭtovojon kaj kelkajn flankovojojn al la najbareco. Ĝis la 2-a mondomilito ankaŭ fervojo trafikis. Enurbe tricikloj, aŭtoj, busetoj kaj aŭtobusoj trafikas.

La klimato de Taytay estas klasifikita kiel tropika musona klimato. Jare pluvas po 1005 mm, en ĉiuj monatoj pluvas, tamen inter majo-oktobro estas la pluva sezono kun pli oftaj pluvoj. La averaĝa jara temperaturo varias inter 23-31 °C, ne estas grandaj diferencoj inter la monatoj.

• preĝejoj
• statuo
• horloĝa turo

• WikiTrans

• 
  Strato
• 
  Horloĝturo
• 
  Preĝejo
• 
  Statuo
• 
  Preĝejo